Жаңалықтар

«ПЕДАГОГИКАЛЫҚ ИДЕЯЛАР ПАНОРАМАСЫ-2023» РЕСПУБЛИКАЛЫҚ БАЙҚАУЫНЫҢ АЙМАҚТЫҚ КЕЗЕҢІНІҢ ЖЕҢІМПАЗДАРЫ

«Өрлеу» БАҰО» АҚ тарапынан өткізілген «Педагогикалық идеялар панорамасы» Республикалық бейнесабақтар мен бейне-дәрістер байқауының аймақтық кезеңінің нәтижесі бойынша Құлан агротехникалық жоғары колледжінің педагогтары үш жүлделі орынға ие болды:

1 орын – Копбаева Айсулу Турсыналиевна, Қысық Тілек Тұрсыналыұлы - «Цифрлық сауаттылық» аталымында;

2 орын – Серикбаева Айнур Оспановна - «Жаратылыстану-ғылыми сауаттылық» аталымында;

3 орын – Ятаев Марат Дуйсенханович – «Экологиялық сауаттылық» аталымында.

Конкурс ұйымдастырушыларына алғысымызды білдіріп, әріптестерімізді жеңісімен құттықтаймыз. Ал, үздік деп танылып, шығармашылық бейне-жұмысы конкурстың республикалық кезеңіне қатысуға жолдама алған А.Копбаева мен Т.Қысыққа сәттілік тілейміз.

ЖЕМҚОРЛЫҚСЫЗ ЖАРҚЫН БОЛАШАҚ

Құлан агротехникалық жоғары колледжінде жасөспірімдердің сыбайлас жемқорлық фактілеріне теріс көзқарасқа, жемқорлыққа қарсы қоғамдық пікірді қалыптастыру және шығармашылық әлеуетін дамыту мақсатында «Жемқорлықсыз жарқын болашақ» тақырыбында сурет байқауы өтті. Іс-шараға атсалысқан студенттер алғыс хаттармен марапатталды.

 

ОБЛЫС ВЕТЕРИНАРЛАРЫ КОЛЛЕДЖДЕ БІЛІКТІЛІГІН АРТТЫРДЫ

7-8 қараша аралығында Құлан агротехникалық жоғары колледжінің базасында

Жамбыл облысы әкімдігінің ветеринария басқармасының ұйымдастыруымен «Жануарлардың аса қауіпті жұқпалы ауруларының профилактикасы, диагностикасы және емдеу шаралары» тақырыбында басқармаға бағынысты аудандардағы ветеринариялық станцияларының дәрігерлерінің біліктілігін арттыру курстары өткізілді. Колледждің тәжірибелі педагогтары Б.Сраилов, Р.Сарсенбиев, Ж.Байсакалова, Б.Тұтқышбаев, А.Копбаева, Т.Қысық курсты тыңдаушыларға бағдарламаға сәйкес методикалық және практикалық әдістемелері бойынша дәріс беріп, мастер-класстар көрсетті.

Курстың нәтижесі бойынша Т.Рысқұлов, Қордай, Мойынқұм, Меркі, Шу аудандарының ветеринариялық станцияларының 76 дәрігері біліктілігін арттыру туралы сертификаттарға ие болды.

«КӨҢІЛДІ ОТБАСЫ» СПОРТТЫҚ ЖАРЫСЫ ӨТТІ

Құлан агротехникалық жоғары колледжінде 08.11.23 ж «Электр жабдықтары» мамандығының студенттері мен белсенді ата-аналарының қатысуымен «Көңілді отбасы» жарысы өткізілді. Командаларға «Кім жылдам», «Арқан тартысу», «Кім көп секіреді», «Эмоцияны немесе іс-әрекетті қайтала», «Жеңіске жету» ойын-сауық конкурстары ұсынылды. Онда ата-аналар мен студенттер өздерінің спорттық қабілеттері мен дағдыларын көрсете алды. Студенттер жылдамдықпен, ептілікпен, командада жұмыс істей білумен жарысты. Жарыс қызықты әрі көңілді болып, көптеген жағымды эмоциялар мен әсерлер қалдырды. Жарыс спорт пен денсаулықтың нағыз мерекесіне айналды! Командалар грамоталармен, бағалы сыйлықтармен марапатталды.

ТУҒАН ӨЛКЕМ – ТҰНҒАН ШЕЖІРЕ

Құлан агротехникалық жоғары колледжінің 1-2 курс студенттерінен құралған «Дружба народов» үйірмесінің қатысушылары Т.Рысқұлов аудандық тарихи-өлкетану музейіне барып, ондағы археологиялық, тарихи, этнографиялық бөлімдерімен танысып қайтты.

Мұражай жетекшісінің туған өлкеміздің тарихы, өлкемізде өмір сүрген атақты адамдар туралы әңгімесін студенттер зор қызығушылықпен тыңдады. Біздің тарихымыз болашағымызбен тығыз байланысты. Ал біздің студенттер – бұл біздің болашағымыз!