Жаңалықтар

БАЛАЛАР ӘДЕБИЕТІНІҢ БӘЙТЕРЕГІ

Құлан агротехникалық жоғары колледжінде республикалық «Бір ел – бір кітап» акциясы аясында көрнекті қазақ жазушысы, балалар әдебиетінің классигі Бердібек Соқпақбаевтың өмірі мен шығармашылығын насихаттау мақсатында «Әдебиетке балалықты әкелген» атты оқырмандар конференциясы өткізілді. Іс-шара барысында жазушының өмір жолы мен артына қалдырған туындылары негізгі тақырыпқа айналып, «Менің атым Қожа» повесі ойын түрінде талқыланды. Сонымен қатар «Балалар әдебиетінің бәйтерегі» тақырыбындағы кітап көрмесіне библиографиялық шолу жасалды.

СТУДЕНТТЕРДІҢ ДІН БАСҚАРМАСЫ ӨКІЛДЕРІМЕН КЕЗДЕСУІ

27.02.24 ж. Құлан агротехникалық жоғары колледжінде Жамбыл облысы әкімдігінің дін істері басқармасының бас маманы Карибаева Айгүл Бергенқызы мен Жамбыл облысы дін басқармасы Дін проблемаларын зерттеу орталығының испекторы, дінтанушы, исламтанушы Жақыпов Ерзат Жасқанбайұлының қатысуымен студент жастар арасында «Дәстүрлі құндылықтар және тарихи тұлғалар» тақырыбында кездесу өтті. Кездесу барысында жастарды толғандыратын дін саласындағы мәселелер қозғалып, сұрақтарына жауап берді. Кері діни ағымның жетегінде кетпеу үшін жастар қалай қорғану керек? Дінге деген сүйіспеншілікті арттыру жолдары, діни ағымдардың дұрыс бағыттан қалай ерекшеленетіні жайында толыққанды ақпаратқа қол жеткізді. Деструктивті діни ағымдардың белгілері мен дәстүрлі дін туралы ақпараттар түсіндірілді.

СЕЙСМИКАЛЫҚ ОҚУ-ЖАТТЫҒУ

Құлан агротехникалық жоғары колледжінде 2024 жылдың 23 ақпанында сағат 11.00де жалпы облыстық сейсмикалық оқу-жаттығу өткізілді. Дабылды естіген колледж қызметкерлері мен студенттер бірден ғимараттан шығып, жер сілкінісі кезінде қауіпсіз орын стадионға жиналды. Аудандық төтенше жағдайлар бөлімінің қызметкерлері зілзала орын алғанда орындалуға тиіс іс-қимылдар туралы түсіндіру жұмыстарын жүргізді.

АНА ТІЛІ – АСЫЛ МҰРАМ!

Құлан агротехникалық жоғары колледжінің студенті Текеева Амина Т.Рысқұлов ауданы әкімдігінің мәдениет және тілдерді дамыту бөлімінің ұйымдастыруымен 21 ақпан - халықаралық ана тілі күніне орай өткізілген «Ана тілі – асыл мұрам!» атты байқауына қатысып ІІ орын иеленді.

ЖЕМҚОРЛЫҚҚА ҚАРСЫ КҮРЕС – ҚОҒАМ МІНДЕТІ

Құлан агротехникалық жоғары колледжінде «Жемқорлыққа қарсы күрес – қоғам міндеті» тақырыбында Т.Рысқұлов аудандық кеңес жанынан құрылған сыбайлас жемқорлық комитет төрағасы Тұғылшиев Ертіс Армиябекұлының, аудандық орталықтандырылған кітапханалар жүйесінің директоры Айнакулов Мереке Ержанұлының, «Құлан-Дән» несие серіктестігінің заңгері Сулейменова Элла Асқарқызының қатысуымен жастар арасында сыбайлас жемқорлыққа қарсы мәдениетті қалыптастыру және парасаттылық принциптерін енгізу мақсатында кездесу ұйымдастырылды.

Директордың тәрбие ісі жөніндегі орынбасары Ұ.М.Акишева адалдық, парасаттылық және адамгершілік туралы баяндама жасап, әр адам еліне адал қызмет етсе ғана жемқорлық дертінің тамырына балта шабуға болатынын айтып өтті. Аудандық сыбайлас жемқорлыққа қарсы күрес комитетінің төрағасы Е.А.Тұғылшиев парақорлықтың алдын алуға бағытталған Қазақстан Республикасының Заңнамаларына түсіндірме жұмыстарын жүргізіп, студенттердің сұрақтарына жауап берді.

АТА-АНАЛАРМЕН КЕЗДЕСУ

Құлан агротехникалық жоғары колледжінде өтіп жатқан «Әр бала – жарық жұлдыз!» психологиялық айлық жоспары бойынша «Ата-ана, сізді не алаңдатады?» такырыбында ата-аналармен кездесу өтті. Іс-шарада колледж психологы қатысушылармен пікір алмасу арқылы ата-ана мен жасөспірімнің арасында туындайтын проблемалық сұрақтарды анықтап, шешу жолдары туралы кеңес берді.

ЖАТАҚХАНАДАҒЫ ӨРТ ҚАУІПСІЗДІГІНІҢ АЛДЫН АЛУ

Құлан агротехникалық жоғары колледжінде Т.Рысқұлов аудандық Төтенше жағдайлар бөлімі мамандарының қатысуымен өрт қауіпсіздігін қамтамасыз етуге арналған «ЖАТАҚХАНА» жедел профилактикалық іс-шарасы өткізілді. Іс-шара барысында қауіпсіздік қызметкері Юсупов Нұрзат жатақханадағы әрбір студент өрт туындаған жағдайда қандай әрекет ету керектігін түсіндіріп, өрт қауіпсіздігі ережелерімен таныстырды.

«САБАҚ Fest» ФЕСТИВАЛІ

Құлан агротехникалық жоғары колледжінің арнайы пәндер оқытушысы Копбаева Айсулу Турсыналиевна Жамбыл облысы білім басқармасының техникалық және кәсіптік білім беруді дамыту орталығының ұйымдастыруымен өткізілген облыстық «САБАҚ Fest» ашық сабақтар фестивалінде «Тәжірибеге негізделген үздік сабақ» номинациясымен марапатталды. Әріптесімізді құттықтап, шығармашылық табыс тілейміз!

«САБАҚ FEST» ФЕСТИВАЛІ ӨТТІ

Құлан агротехникалық жоғары колледжінде Жамбыл облысы әкімдігі білім басқармасының техникалық және кәсіптік білім беруді дамыту орталығының ұйымдастыруымен өткізілетін «Сабақ FEST» облыстық арнайы пән оқытушыларының ашық сабақтар фестивалінің колледжішілік кезеңі өтті. Педагогтерді ынталандыру, тәжірибе алмасу, тарату мақсатында өткізілген іс-шараға 8 педагог қатысып, ашық сабақтар өтті. Фестиваль аясында белсенділік танытқан арнайы пән оқытушылары Р.Сәрсенбиев, Ә.Бекназарова, А.Сраилова, С.Әлдибай алғыс хат, М.Ятаев ІІІ орын, Ж.Байсакалова, Б.Рахметалиев ІІ орын иеленсе, ветеринарлық пәндер оқытушысы А.Көпбаева жеңімпаз атанып, облыстық кезеңге жолдама алды.

Әріптесімізге сәттілік тілейміз.

 

ҚЫЗ ТӘРБИЕСІ – ЕЛ БОЛАШАҒЫ

Құлан агротехникалық жоғары колледжінде тәрбие бөлімінің ұйымдастыруымен «Қыз баланы жыныстық тәрбиелеу» тақырыбында Жамбыл облыстық тұрмыстық зорлық-зомбылық құрбандарына әлеуметтік көмек көрсету орталығының кеңес беру кабинетінің әлеуметтік маманы Қожаберген Айгүл Алдабергенқызы, СӨСҚ дәрігері Пойызбай Айгерім Есжанқызы, Т.Рысқұлов ауданы Ішкі саясат бөлімі «Жастар ресурстық орталығы» КММ психологы Тастанбек Сымбат Сұлтанғалиқызының қатысуымен қыздар жиналысы өтті.

Бойжеткен жасөспірімдерімізге ұлттық менталитетімізді, салт-дәстүрлерімізді құрметтеуге, бойларына тазалық, ұқыптылық, инабаттылық сияқты жақсы қасиеттерді дарыту мақсатында ұйымдастырылған жиналыс барысында колледж директоры О.Н.Мұсақұлов қоғамның дамуы мен мемлекеттің өркендеуі - келешек аналар, қыз баланың тәрбиесіне байланысты екендігін айтса колледж психологы Л.Кадирсизова "Қыз баланың жыныстық жетілуі және гигиенасы" тақырыбында баяндама жасады. Сонымен қатар жиналысқа қатысқан дәрігер мамандар студенттерге "Ерте жүктілік, жыныстық жолмен жұғатын аурулардың түрлері және алдын-алу шаралары" тақырыбында әңгіме қозғап, алдын алу шараларын ұсынып, қыз балаларға пайдалы көптеген мағлұматтар берді.

ЖЕҢІМПАЗ АТАНДЫ

Құлан агротехникалық жоғары колледжінің орыс тілі және әдебиеті пәнінің оқытушысы Шихова Разалья Бикмохамадовна Техникалық және кәсіптік, орта білімнен кейінгі білім беру ұйымдарының педагогтері арасындағы «Білім беру» саласы бойынша республикалық кәсіби шеберлік конкурсының облыстық кезеңінде жеңімпаз атанып, республикалық кезеңге жолдама алды. Әріптесімізге сәттілік тілейміз.

 

ӘР БАЛА – ЖАРЫҚ ЖҰЛДЫЗ!

Құлан агротехникалық жоғары колледжінде студенттерге психологиялық қызмет көрсету мақсатында өтіп жатқан «Әр бала – жарық жұлдыз!» психологиялық айлық жоспары бойынша колледж студенттеріне «Біздің күшіміз бірлікте» акциясы және «Айналамыз толған жақсы адамдар» тақырыбында топ сағаттары өткізілді.

«ӨЗ ҚҰҚЫҒЫНДЫ ҚОРҒАЙ БІЛ!»

Құлан агротехникалық жоғары колледжінде жасөспірімдер және жастар арасында құқық бұзушылық пен қылмыстың алдын алу, жастардың құқықтық сауаттылығын арттыру мақсатында «Өз құқығынды қорғай біл!» тақырыбында кездесу өтті.

Кездесуге Т. Рысқұлов аудандық Т.Рысқұлов АПБ – нің ювеналды полиция тобының аумақтық инспекторы, полиция капитаны Егембердиев Жасулан Канатович қатысты. Кездесу барысында жасөспірімдер арасындағы кәмелетке толмағандардың әкімшілік және қылмыстық құқық бұзушылық жасағаны үшін жауапкершілігі туралы ақпараттар беріліп, студенттерге құқық бұзушылықтың алдын алу бойынша бейнероликтер көрсетілді.

Құлан агротехникалық жоғары колледжінде 12 ақпан күні «Жас қыран» – жастар қанаты клубы жетекшілерінің ұйымдастыруымен «Жемқорлықсыз жарқын болашақ» тақырыбында кездесу өтті. Іс-шараға «ЖАҢАРУ» сыбайлас жемқорлыққа қарсы жалпыұлттық қозғалысы» РҚБ Жамбыл облыстық филиалының директоры Қ.Е.Төлендиев , №6 мектеп-гимназиясы директоры, Т.Рысқұлов аудандық мәслихат депутаты М.Қ.Мейманханов, аудандық «Жастар ресурстық орталығы» КММ директоры Е.Жәдік, колледж директоры О.Мұсақұлов қатысып, колледж жастарын сыбайлас жемқорлыққа қарсы көзқарастарын қалыптастыру мен жастар арасындағы құқықтық сауаттылықты арттыру мақсатында тың ойларымен бөлісті. «Жас қыран» клубының жастары «Жемқорлықсыз жарқын болашақ!» атты челлендж, «Біз, сыбайлас жемқорлыққа қарсымыз!» тақырыбында бейне ролик көрсетті. Студенттік Парламент спикерлері Камидулла Ернар, Текеева Амина және Жас қыран жастар қанаты клубының жетекшісі Устемиров Есжан «Сыбайлас жемқорлыққа жол жоқ!» тақырыптарында өз ойларын ортаға салды.

ПСИХОЛОГИЯЛЫҚ АЙЛЫҚ ӨТУДЕ

Құлан агротехникалық жоғары колледжінде студенттерге психологиялық қызмет көрсету мақсатында «Әр бала – жарық жұлдыз!» тақырыбында психологиялық айлығы өтуде. Психологиялық айлық жоспары бойынша 1 курс студенттері «Әлемді жақсы жақа өзгерту үшін не жасауға болады?», 2 курс студенттері «Мен үшін жанашыр адам, ол...» тақырыптарында эссе жазды.

КӘСІПОДАҚ ҰЙЫМЫНЫҢ ЕСЕБІ

Құлан агротехникалық жоғары колледжінің бастауыш кәсіподақ комитетінің төрайымы В.Майтанова 2023 жылда атқарылған жұмыстар бойынша колледж ұжымы алдында есеп берді. Жиынға Жамбыл облысы білім және ғылым қызметкерлерінің жергілікті кәсіптік одағының Біріккен комитетінің төрағасы Орынбеков Жанболат Тұңғышбекұлы қатысып, кәсіподақ мүшелерінің сауалдарына жауап берді.

Колледждің кәсіподақ мүшелері комитет пен тексеру комиссиясының жұмыстарына оң баға беріп, алдағы атқарылатын жұмыстарына сәттілік тіледі.

Құлан агротехникалық жоғары колледжінде Дүниежүзілік сайлау күніне орай, Қазақстан Республикасындағы сайлау жүйесінің қалыптасу және даму кезеңдері туралы жастардың білімдерін ұлғайтуға, жас сайлаушылардың демократиялық құндылықтарды ұстануын қалыптастыруға және жастардың сайлауға қатысу белсенділігін арттыру мақсатында Т.Рысқұлов аудандық мәслихат аппараты мен Т.Рысқұлов аудандық аумақтық сайлау комиссиясы мүшелерімен кездесу өтті. Кездесу барысында Т.Рысқұлов аудандық мәслихат төрағасы Абуталипов Ербол Абақұлы, сайлау комиссиясының төрағасы Тлепов Манарбек Әмреұлы, сайлау комиссиясының хатшысы Көпбаев Нұрлан Талғатұлы, колледж оқытушысы, № 362 сайлау учаскесінің төрағасы Бошқаев Ержан Тансықұлы сайлау жүйесі мен сайлауды ұйымдастыру ережелері туралы мәлімет бере отырып, әрбір азамат даусының маңыздылығы туралы деректермен бөлісті, Қазақстан азаматтарының сайлау құқықтарын қамтамасыз ету және сайлау процестерін жетілдіру мәселесіне жастардың назарын аударды.

КОЛЛЕДЖ ДИРЕКТОРЫНЫҢ ЖЫЛДЫҚ ЕСЕБІ

Қазақстан Республикасының «Мемлекеттік мүлік туралы» Заңын іске асыру жөніндегі іс-шаралар жоспарының 19 тармағына сәйкес мемлекеттік кәсіпорын қызметін жүргізетін облыстық білім басқармасына қарасты мекеме басшыларының жылдық есебін тыңдау кестесі бойынша 2024 жылдың 24 қаңтар күні Құлан агротехникалық жоғары колледжінің директоры О.Мұсақұловтың 2023 жылы атқарылған жұмыстардың жылдық есебі тыңдалды. Жылдық есепті тыңдауға Жамбыл облысы әкімдігі білім басқармасының техникалық және кәсіптік білім беру бөлімінің меңгерушісі А.Жайлышева, қамқоршылық кеңес мүшелері, әлеуметтік серіктестер, колледж қызметкерлері мен оқытушылары қатысты.

Директор есебін талқылау барысында колледж директорының атқарған жұмыстарына оң баға берілді.

КОЛЛЕДЖДЕГІ ПРОФИЛАКТИКАЛЫҚ ОҚУ-ЖАТТЫҒУ

Құлан агротехникалық жоғары колледжінде Жамбыл облысы әкімдігінің білім басқармасының 23.01.2024 жылғы №03-318 хатына сәйкес Қазақстан Республикасы Ішкі істер министрлігінің 2020 жылғы 2 шілдедегі №494 бұйрығын орындау және ағымдағы жылдың 23 қаңтарындағы Алматы қаласында жер сілкінісі орын алуына байланысты колледж оқытушылары, оқу өндірістік шеберлері, кіші қызметкерлер арасында профилактикалық оқу-жаттығу жұмыстары өткізілді.

ЖЫЛЫЖАЙ ӨНІМІ ЖӘРМЕНКЕДЕ

Тұрар Рысқұлов ауданы әкімшілігімен Құлан ауылында ауылшаруашылығы өнімдерінің жәрменкесі ұйымдастырылды. Құлан агротехникалық жоғары колледжі жәрменкеге оқу орнының жылыжайында өсірілген Голандиялық "Spino f1" сұрыпты қиярды сатылымға шығарды.