Жаңалықтар

Жамбыл облысы әкімінің орынбасары Үйсімбаев Еркін Құлымбайұлы 4 мамыр күні Т.Рысқұлов ауданына жұмыс сапары барысында Құлан агротехникалық жоғары колледжінің тыныс тіршілігімен танысты. Колледж директоры Олжас Мұсақұлов қонақты оқу орнының материалдық техникалық базасы, жетістіктері және даму перспективаларымен таныстырды. Еркін Құлымбайұлы білім ошағының 100 жылдық мерейтойы қарсаңында өңірдің экономикасына қажетті мамандар даярлауда сәттілік тіледі.

ЖАЛПЫҰЛТТЫҚ ПАТРИОТТЫҚ ДИКТАНТ ӨТКІЗІЛДІ

2023 жылғы 4 мамырда сағат 11.00-де Құлан агротехникалық жоғары колледжінің студенттері мен қызметкерлері барлық қазақстандықтармен бірге «Еркін ел ұрпағы» атты жалпыұлттық патриоттық диктант жазуға қатысты.

Еліміздің тәуелсіздігі мен егемендігін дәріптеу, ұлттық құндылықтар мен ұлттық мұраттарды бойына сіңірген патриоттық рухтағы ұрпақ тәрбиелеу мақсатында өткізілген іс-шарада колледж ұжымы үлкен белсенділік танытты.

АЙБЫНДЫ ӘСКЕР – ЕЛ ТІРЕГІ

Құлан агротехникалық жоғары колледжінде 7 мамыр – Отан қорғаушылар күніне орай 03811 әскери барлау полкінің офицерлерімен бірлескен «Айбынды әскер – ел тірегі» тақырыбында ерлік сабағы өтті. Іс – шара барысында әскери қызметкерлер студенттерге қазіргі заманауи әскери техника, қару-жарақ және Қазақстандық батырлардың жасаған ерліктері туралы айтып, студенттерді өз елінің патриоты болуға шақырды.

РЕСПУБЛИКАЛЫҚ АЙТМАТОВ ОҚУЛАРЫ - 2023

2023 жылдың 28 сәуір күні Құлан агротехникалық жоғары колледжінде Жамбыл облысы әкімдігінің білім басқармасының ұйымдастыруымен Ұлы жазушы, ойшыл-гуманист, данагөй, қазақ-қырғызға ортақ халық жазушысы Шыңғыс Айтматовтың 95 жылдығына орай техникалық және кәсіптік білім беру ұйымдарының студенттері арасында Айтматов шығармашылығын насихаттау арқылы әлем әдебиеті, мәдениетіне деген сүйіспеншіліктерін арттыру мақсатында «Шыңғыс Айтматов әлемі» атты республикалық Айтматов оқулары өткізілді. Байқауды Жамбыл облысы білім басқармасы басшысының орынбасары Нысанбаев Мұхит Аманқұлұлы салтанатты ашып, барлық қатысушыларды әдебиет мерекесімен құттықтап сәттілік тіледі.

Шыңғыс Айтматовтың шығармаларынан жатқа көркемсөз оқу «Сөз - құдірет қашанда» және сахналық көрініс көрсету «Таланттар өмірде шыңдалады» атты екі кезең бойынша өткізілген байқауда әділқазылар алқасының жұмысын білікті мамандар атқарды:

- М.Х. Дулати атындағы Тараз өңірлік университетінің «Филология және журналистика» кафедрасының меңгерушісі, филология ғылымдарының кандидаты, доцент Қарымбаева Күлзинат Мейрамбайқызы;

- М.Х. Дулати атындағы Тараз өңірлік университетінің «Филология және журналистика» кафедрасының аға оқытушсы, филология ғылымдарының магистрі Мырзабаева Балмира Джунусбекқызы;

- Тілдерді оқыту орталығынының «Латын және жаңа әліпбиді насихаттау және ұйымдастыру» бөлімінің басшысы Маханова Перизат Атабекқызы;

- Тілдерді оқыту орталығының Т.Рысқұлов аудандық бөлімшесінің меңгерушісі Шонатаева Ғалия Байданқызы;

- Т.Рысқұлов ауданы Мэлс Өзбеков атындағы мәдениет үйінің «Басқар Битанов» халық театрының меңгерушісі. «Қазақ өнер қайраткері» Асилбекова Эльмира Жаксыбаевна.

Екі бағыт бойынша өткізілген байқауда әділқазылар алқасының шешімімен келесі қорытынды шығарылды:

«Сөз - құдірет қашанда» - Шыңғыс Айтматовтың шығармаларынан көркемсөз оқу кезеңі бойынша:

Бас жүлде - Балпыков Дамир- «Ғасырдан да ұзақ күн», Тараз сервис және технология колледжі, Жамбыл облысы;

І орын - Амангелді Жансерік «Қош бол, Гүлсары!», Тараз «Парасат» колледжі, Жамбыл облысы;

ІІ орын -

1) Қуанышбекұлы Әкімжан - «Жамилә», Жамбыл политехникалық жоғары колледжі, Жамбыл облысы;

2) Қабышева Айсұлу - «Құс жолы», Абай атындағы Шығыс Қазақстан гуманитарлық колледжі, ШҚО

ІІІ орын -

1) Тулепбергенов Дінмұхаммед - «Сейіттің монологы», Қаскелең мәдениет колледжі, Алматы облысы;

2) Жұмамұрат Амина - «Ана-Жер-ана», Құлан агротехникалық жоғары колледжі, Жамбыл облысы;

3) Абдурахманова Перизат - «Құс жолы», Түркістан жоғары көпсалалы, аграрлық колледжі, Түркістан облысы.

«Таланттар өмірде шыңдалады» - Шыңғыс Айтматов шығармаларынан сахналық көрініс көрсету кезеңі бойынша:

Бас жүлде - «Шыңғысханның ақ бұлты» қойылымы, Түркістан жоғары көпсалалы, қолөнер колледжі, Түркістан облысы;

І орын - «Аққудың көз жасы» қойылымы, Талдықорған агро-техникалық колледжі, Жетісу облысы;

ІІ орын -

1) «Жан пида» қойылымы, И.Әбдікәрімов атындағы Қызылорда аграрлық техникалық жоғары колледжі, Қызылорда облысы;

2) «Боранды бекет» қойылымы, Қаскелең гуманитарлы-техникалық колледжі, Алматы облысы;

ІІІ орын -

1) «Ақ кеме» қойылымы, Абай атындағы Жамбыл гуманитарлық жоғары колледжі, Жамбыл облысы;

2) Қызыл орамалды шынарым» қойылымы , №3 Байзақ колледжі, Жамбыл облысы;

3) «Боранды бекет» қойылымы, «Бесқарағай колледжі, Абай облысы.

Байқау қатысушылары Жамбыл облысы әкімдігінің білім басқармасының дипломдары және алғысхаттарымен марапатталды. Құлан агротехникалық жоғары колледжінің демеушілігімен жүлдегерлерге құнды сыйлықтар тапсырылды.

Айтматов оқуларының қатысушылары байқаудың жоғары деңгейде ұйымдастырылғанын бағалап, Құлан агротехникалық жоғары колледжінің ұжымына, әділқазылар алқасына ризашылығын білдірді.

СТУДЕНТТЕРДІҢ ҒЫЛЫМИ-ТӘЖІРИБЕЛІК КОНФЕРЕНЦИЯСЫ

Құлан агротехникалық жоғары колледжінің әдістемелік жұмыс жоспарына сәйкес «Білім мен ғылым - кәсіби жетістіктерге апаратын жол» тақырыбында студенттердің дәстүрлі ғылыми - тәжірибелік конференциясы өтті.

Студенттердің ғылыми-ізденушілік қабілеттерін дамыта отырып, кәсіби білімдерін жетілдіру, жетістіктерін насихаттау мақсатында өткізілген іс-шара келесі міндеттерді жүзеге асыруды көздейді:

- рухани-адамгершілік және зияткерлік қабілеттерін дамыту;

- ғылыми-ізденушілік мәдениеттерін қалыптастыру;

- студенттердің ізденушілік белсенділіктерін ынталандыру.

Конференцияда республикалық деңгейде өткен байқау жеңімпаздарының жұмыстары ұсынылып, тәжірибелері таратылды. Сонымен қатар ғылымға алғашқы қадам жасаған жаңа есімдер айқындалды.

ЕҢБЕКТІ ҚОРҒАУ ЖӨНІНДЕГІ ҮЗДІК ТЕХНИКАЛЫҚ ИНСПЕКТОРЫ

2023 жылғы 26 сәуірде өткізілген Жамбыл облысы білім және ғылым қызметкерлерінің жергілікті кәсіптік одағының кезекті ХV есеп беру-сайлау Конференециясында Құлан агротехникалық колледжінің өндірістік оқыту шебері, техникалық инспекторы Ғани Айдарұлы Өмірбеков 2022 жылғы «Еңбекті қорғау жөніндегі үздік техникалық инспекторы» Облыстық байқауында үздік деп танылып, Алғыс хатпен және 50 мың теңге көлеміндегі сертификатпен марапатталды. Әріптесімізді құттықтап, еңбегіне шығармашылық табыс тілейміз!

АДАМЗАТТЫҢ АЙТМАТОВЫ

Құлан агротехникалық жоғары колледжінде әлем әдебиетінің классигі, Қырғызстанның Халық жазушысы, қоғам және мемлекет қайраткері, колледжіміздің 1948 жылғы түлегі Шыңғыс Төреқұлұлы Айтматовтың 95 жылдығына арналған «Адамзаттың Айтматовы» тақырыбында кітап көрмесі ұйымдастырылды. Көрмеге Айтматовтың шығармаларындағы қаһармандардың портреттері, классик жазушының шығармалары қойылды. Іс-шара барысында студенттер жазушының өмірбаянымен және шығармаларымен танысып, артына қалдырған рухани мұралары туралы ой бөлісті.

WORLDSKILLS JAMBUL-2023

WorldSkills чемпионаты бүгінде техникалық және кәсіптік білім беретін мекемелер арасында жыл сайын өткізілетін, жұмысшы мамандықтарының әуелетін арттыруға зор ықпал ететін бірден-бір сайыстардың бірі. Жамбыл облысы әкімдігі білім басқармасының ұйымдастыруымен «WorldSkills Jambul-2023» облыстық чемпионатына Құлан агротехникалық жоғары колледжінің студенттері «Аспаздық ісі», «Электромонтаж», «Пісіру технологиялары», «Сән технологиясы» және «Веб-дизайн» құзыреттіліктері бойынша қатысып, кәсіптік біліктіліктерін көрсетті. Чемпионаттың нәтижесі бойынша «Электромонтаж» құзыреттілігі бойынша Артем Бакулин (жетекшісі Е.Ержанов), «Аспаздық ісі» құзыреттілігі бойынша Ардақ Керимкулова (жетекшісі А.Сраилова) 2 орын иеленсе, «Пісіру технологиялары» құзыреттілігі бойынша Бекбулатов Болат (жетекшісі Ғ.Рахимов) 3 орын иеленді. «Веб-дизайн» құзыреттілігі бойынша қатысқан Руслан Мороз (жетекшісі Б.Рахметалиев) және «Сән технологиясы» құзыреттілігі бойынша қатысушы Кәден Фатима (жетекшісі Г.Рахманова) қатысушы сертификаттармен марапатталды.

ЖАТАҚХАНА СТУДЕНТТЕРІМЕН КЕЗДЕСУ

Жамбыл облысы әкімдігі білім басқармасы басшысының орынбасары Нысанбаев Мұхит Аманқұлұлы Құлан агротехникалық жоғары колледжі жатақханасының тұрмыс тіршілігімен танысып, студенттермен және қызметкерлермен кездесті.

Жатақхана - студенттің екінші үйі екенін, сондықтан кез келген жас студент атанған соң жатақханаға жатып, студенттік шақтың қызығы мен қуанышын достарымен бірге бөлісіп,сапалы білім алып, білікті маман болуға, жатақхана өмірін жандандыру мақсатында мәдени іс-шаралар ,спорттық, рухани, ойын-сауық кештерін ұйымдастыруға кеңес берді. Студент жастар өз ойларын айтып, ұсыныстарын жеткізді.

ӘСКЕРИ-ПАТРИОТТЫҚ ОЙЫНЫ ӨТТІ

Құлан агротехникалық жоғары колледжінде 1 курс студенттері арасында «Жас Ұлан» әскери-патриоттық ойыны ұйымдастырылды. Жастарды әскери өмірге бейімдеу, Отанын қорғауға, елін сүюге тәрбиелеу мақсатында ұйымдастырылған іс-шара барысында студенттер әскери жаттығулар жасап өздерінің бойларындағы қайсарлықпен жігерлерін көрсете білді.

ҚҰҚЫҚ БҰЗУШЫЛЫҚТЫҢ АЛДЫН АЛУ

Т.Рысқұлов аудандық прокурорының орынбасары Олжас Көшербаев, Т.Рысқұлов аудандық прокурорының аға көмекшісі Арман Султан, Т.Рысқұлов аудандық полиция бөлімінің жергілікті полиция қызметінің ювеналды полиция тобының инспекторы Ж.Егембердиев жасөспірімдер арасындағы құқық бұзушылықтың алдын алу мақсатында Құлан агротехникалық жоғары колледжінің студенттерімен кездесті.

Кездесу барысында Олжас Көшербаев жастар арасындағы қылмыстың көбейіп бара жатқанын, тәлім-тәрбие жөнінде, қылмыс туралы, жасөспірімдердің өз қатарластарымен қарым-қатынасының дұрыс болмауы, әлімжеттік көрсетуі көптеген жағайларда қатты күйзеліске әкелетінін, сол себептен жасөспірімдер арасында күшпен беделге ие болудың, бопсалаудың арты құқық бұзушылыққа, қылмысқа апаратынын түсіндіре келе, үлкен-кішіге сыйластық танытып, бір-біріне қамқор болып, үлгі көрсетіп, шешуі қиын мәселелерді топ жетекшісімен не өзіне жақын мұғалімдерімен шешуге тырысса ешқандай құқық бұзушылықтың орын алмайтынын айтып өтті.

ШАХМАТТАН РЕСПУБЛИКАЛЫҚ ЧЕЛЛЕНДЖ ӨТТІ

Құлан агротехникалық жоғары колледжінде 12 сәуір күні сағат 12-00 де жасөспірімдердің шахматқа деген қызығушылығын оятып, ойынға деген шеберлігін шыңдау, бос уақыттарын тиімді өткізуге дұрыс бағыт беру және саламатты өмір салтын насихаттау мақсатында шахматтан республикалық челлендж ұйымдастырылды. Ойын барысында студенттер мен оқытушылар бар шеберліктерін салып, тартысқа толы ойын өрнегін көрсетті. Сайысқа 15 студент 3 оқытушы ерекше ықыласпен қатысып, ойын барысында бар шеберліктерін салып, тартысқа толы ойын өрнегін көрсетті.

Құлан агротехникалық жоғары колледжінде Жамбыл облысы дін проблемаларын зерттеу орталығының инспекторы Атамқұлов Батырбек Керімбекұлы мен «Дәстүрлі құндылықтар және рухани тәрбие» тақырыбында студенттермен кездесу өтті. Кездесу барысында студенттерді діни сауаттылыққа, қазақ халқының салт-дәстүрі мен әдеп-ғұрпын ұмытпауға, діни үкімдерді ұстану барысында ұлттық дәстүрмен ұштастыру керектігін түсіндіріп, ағымды діннің жетегінде кетпеуге шақырды.

7 СӘУІР – ДҮНИЕЖҮЗІЛІК ДЕНСАУЛЫҚ КҮНІ

Құлан агротехникалық жоғары колледжінде 7 сәуір – Дүниежүзілік денсаулық күніне орай студенттерді салауатты өмір салтын ұстануға, есірткіден, нашақорлықтан аулақ болуға баулу, жасөспiрiмдердiң бойында есiрткiге қарсы тұра алатындай мықты ерiк-жiгердi қалыптастыру, спортқа деген қызығушылығын арттыру мақсатында «Есірткісіз болашақ» ұранымен 1 курс студенттері арасында спорттық жарыс өткізілді.

Студенттер бірыңғай жаттығулар жасап, колледж медбикесі өскелең ұрпақты салауатты өмір салтын сақтауға, спортпен шұғылдануға шақырып, есірткінің адам денсаулығы үшін зиянын туралы түсіндіріп, «Есірткіге тыйым салынады», «Нашақорлық ғасырдың тұзағы» тақырыптарында парақшалар таратты. Дене шынықтыру пән мұғалімдері эстафеталық жарыс, қол күрес, қаппен жүгіру, скакалка мен секіру сияқты спорттық ойын түрлерінен жарыстар ұйымдастырды. Жарыс жоғары дәрежеде өте қызықты өтті. Жарыс соңында жеңімпаз студенттер дипломмен марапатталды.

Республикалық конкурсқа жолдама алды

Құлан агротехникалық жоғары колледжінің педагогтері Жамбыл облысы әкімдігі білім басқармасының техникалық және кәсіптік білім беруді дамыту орталығының ұйымдастыруымен өткізілген «Техникалық және кәсіптік білім беру ұйымдары педагогтерінің инновациялық жұмыстары» тақырыбындағы облыстық конкурсқа қатысты.

Конкурс нәтижесі бойынша «Цифрлық білім беру өнімі» бағыты бойынша тарих пәні оқытушылары Г.Маханбетова мен А.Сугирбекова, «Ғылыми-зерттеу жұмысы» бағыты бойынша арнайы пән оқытушысы Е. Ертаев І орын иеленіп, жұмыстары республикалық кезеңге жолданады.

Сонымен қатар «Оқу жұмыс бойынша әдістемелік өнім» бағытында өз жұмыстарын ұсынған орыс тілі пәні оқытушысы Р.Шихова және арнайы пән оқытушылары А.Сраилова мен Ж.Байсакалова алғыс хат иеленді.

Инновациялық идеялары мен педагогикалық жобаларын шығармашылықпен ұсынып, жеңімпаз атанған педагогтерге республикалық кезеңде жеңіс тілейміз.

ИМАНДЫЛЫҚ – ІЗГІЛІК БАСТАУЫ

Құлан агротехникалық жоғары колледжінде жасөспірімдердің діни сауаттылығын арттыру және қоғамда орын алып жатқан жастар арасындағы діни экстремизм мен терроризмнің алдын алу мақсатында «Имандылық – ізгілік бастауы» тақырыбында дөңгелек үстел өтті.

Шараға Құлан ауылдық Қасымбай ата мешітінің бас имамы Нұршайық Қошқарұлы, Т.Рысқұлов аудандық орталық кітапхана қызметкерлері қатысты. Дөңгелек үстел барысында 1 курс «Ет өнімдерінің өндірісі» мамандығының студенті Қиынбай Аяжан «Дәстүрлі емес діндер» тақырыбында баяндама оқыса, іс-шара қонақтары рухани тазалықтың, ар-ұят пен адалдықтың мызғымас тірегі дін екендігін тілге тиек ете отырып, жастарды жат ағымның жетегінде кетпей, тек сенімді ақпараттарға сену керектігін жеткізді.

ТӨРЛЕТ, ТӨРЛЕТ ӘЗ-НАУРЫЗ!

Құлан агротехникалық жоғары колледжінде Ұлыстың Ұлы күнін жарқын істермен қарсы алу мақсатында Наурыз мерекесі аталып өтті. Колледждің үлкен акт залында мерекеге арналып "Төрлет, төрлет, әз- Наурыз" атты мерекелік кеш ұйымдастырылды. Колледж студенттерінің әуелете орындаған әндері нақышына келтіріп билеген бишілердің тартуы мерекенің ажарын ашты. Ұлтымыздың ұлағатты салт-дəстүрлерінің бірі Бесікке салу, төркіндеп келу рәсімін сахналық көрініс ретінде ұсынды.

СТУДЕНТТІК ПАРЛАМЕНТ АЙНАСЫ

Студенттік парламенттің ұйымдастыруымен Наурыз мейрамының басы, 14 наурыз - Көрісу күніне орай, Құлан агротехникалық жоғары колледжінде «Аманбысың қалың елім!» атты мерекелік іс-шара өткізілді. Студенттердің сахналық көріністерінде, халықымыздың қыстан аман-есен шыққанына, көктемге аяқ басып, туыс-туған, көрші-көлеңмен жүздескеніне қуанып, қол алысып, төс қағысқандықтары тамашаланып, ән бимен жалғасын тапты.

ҚЫЗ ӨССЕ ЕЛДІҢ КӨРКІ

     Құлан агротехникалық жоғары колледжінде «Колледж аруы- 2023» байқауы өтті.

Байқауға қатысқан студенттер өз өнерлерін барынша жоғары деңгейде көрсете білді. Байқау соңында әділқазылар алқасы қатысушылардың өнерлерін жеке-жеке талдап қорытынды бағаларын шығарды:

1 орынды 1 курс «Агрономия» мамандығының студенті Жұмамұрат Амина,

2 орынды 1 курс «Ветеринария» мамандығының студенті Бақытжан Мадина,

3 орынды 2 курс «Аспазшы» мамандығының студенті Ешмұхан Аяла иеленді.

«Өнерлі қыз» номинациясымен 1 курс Агрономия» мамандығының студенті Әбей Мадина, «Зерделі қыз» номинациясымен 2 курс «Агрономия» мамандығының студенті Досалы Аруна, «Инабатты қыз» номинациясымен 1 курс «Ветеринария» мамандығының студенті Нұралдина Анель марапатталды.

Барлық қатысушы аруларға дипломдар және сыйлықтар табыс етілді.

СТУДЕНТТЕР ХАЛЫҚАРАЛЫҚ ҒЫЛЫМИ-ПРАКТИКАЛЫҚ КОНФЕРЕНЦИЯҒА ҚАТЫСТЫ

     Құлан агротехникалық жоғары колледжінің білім алушылары Қ. Нұрғалиев атындағы жоғары колледжінің (Өскемен қаласы) ұйымдастыруымен өткізілген «Адами капитал - инновациялық даму негіздері» атты халықаралық ғылыми-практикалық конференцияға қатысты. 4 республиканың 11 колледжінен 25 студент қамтылған додада колледжіміздің студенттері Р.Мороз, Е.Камидулла І орынды жеңіп алса, А.Бакулин ІІ орын иеленді. Студенттердің жұмысын бағалағап эксперт мүшелері колледжіміздің жұмысына жоғары бағасын берді.

     Жеңімпаздардың жетекшілері В.Майтанова, Г.Қойшыманова, А.Көпбаева сертификат иеленсе, директор орынбасары М.Багылбековаға студенттер мен педагогтерді ашық әдістемелік жұмысқа тартудағы белсенділігі үшін алғыс хат табысталды.