Жаңалықтар

ХАЛЫҚАРАЛЫҚ МАСТЕР-КЛАСС ӨТКІЗІЛДІ

    Құлан агротехниалық жоғары колледжі және М. Ибрагимов атындағы Қара-Балта техникалық-экономикалық колледжі (Қырғызстан Республикасы) арасындағы ынтымақтастық туралы Меморандумды іске асыру шеңберінде «Сүт және сүт өнімдерін өндіру» мамандығы бойынша мастер-класс өткізілді. Іс-шара барысында мамандық бойынша екі колледждің арнайы пәндер оқытушылары Галина Бейшенбаевна Абдулдаева және Кулипа Копирбаевна Ерімбетованың жұмыс тәжірибесі таратылды. Студенттердің кәсіби құзыреттілігін дамыту мақсатында сүт өнімдерінің сапасын анықтауда қолданылатын түрлі зерттеу жұмыстары жүргізілді. Аталған іс-шара педагогтердің және студенттердің тәжірибе алмасуына зор септігін тигізді.

ОЛИМПИАДА ЖҮЛДЕГЕРІМЕН КЕЗДЕСУ

     Құлан агротехникалық жоғары колледжінде студенттердің қазақстандық балуан, еркін күрестен 2000 жылғы Сиднейдегі Олимпиадалық ойындардың күміс жүлдегері, жерлесіміз, Т.Рысқұлов ауданының тумасы - Ислам Байрамуковпен кездесуі өткізілді. Өткен кездесуде колледж студенттері палуанның жеке өмірімен және спорттық жетістіктерімен танысты. Ислам Байрамуков балаларға спортпен айналысудың қажеттілігін түсіндіріп, салауатты өмір салтын сақтаудың маңызына тоқталды.

СТУДЕНЧЕСКИЙ ПАРЛАМЕНТ В ДЕЙСТВИИ

      28 февраля в Куланском агротехническом высшем колледже Студенческим парламентом было организовано празднование Масленицы, древнего славянского праздника прощания с зимой и встречи Весны.

Студенты первых и вторых курсов с интересом отгадывали загадки, участвовали в конкурсах, спортивных состязаниях, ну и конечно были блины, частушки, поговорки.

Знакомство с культурными традициями народов Казахстана способствует воспитанию уважения к ценностям народного и культурного наследия.

АШЫҚ ДИАЛОГ АЛАҢЫ

    Құлан агротехникалық жоғары колледжінде 2023 жылдың 23 ақпан күні индустриалдық және қамқоршылық кеңес мүшелері мен кәсіпорын басшыларының қатысуымен ашық диалог өткізіліп, келесі мәселелер талқыланды: колледж басшысының оқу орнында атқарылған жұмыстар туралы есебі беріліп, келесі оқу жылына мақсатты тапсырысты қалыптастыру, кәсіби бағдар беру, академиялық дербестік аясында жұмыс берушілермен бірлесіп оқу бағдарламаларын дайындау, дуальдық оқыту жүйесі, түлектердің жұмысқа орналасуы, демонстрациялық емтихан форматында қорытынды аттестаттауды ұйымдастыру. Ашық диалог білім мекемесінің серіктестікті дамытуда өзекті жолдарын айқындаудың алаңы ретінде өзінің тиімділігін көрсетті.

МАНСАП ОРТАЛЫҒЫНДАҒЫ КЕЗДЕСУ

     Құлан агротехникалық жоғары колледжінің «Мансап және кәсіптік бағдар беру» орталығымен бітіруші топтардың студенттері арасында мансапты жоспарлау бойынша жұмыс жүргізілді. Түлектердің жұмысқа орналасуына бағыт көрсету мақсатында еңбек нарығын зерттеу және білім алушыларға нарықтың даму үрдістері, болжамдары және жұмыс берушілердің талаптары туралы ақпарат беріліп, мамандандыруды одан әрі жалғастыруға байланысты оқу траекториясын таңдауға көмек көрсетілді.

МӘДЕНИ ЕСКЕРТКІШТЕР ТАРИХТАН СЫР ШЕРТЕДІ

     Т.Рысқұлов ауданының 85 жылдығына орай «Мәдени ескерткіштер сыр шертеді» тақырыбында Мэлс Өзбеков атындағы аудандық мәдениет үйіне қарасты тарихи-мәдени ескерткіштерді қорғау инспекторлары З.Сарманбетова мен кіші ғылыми қызметкері Б.Толыбаев колледждің 1курс студенттерімен кездесу өткізді. Кездесу барысында «Мәдени ескерткіштер тарихтан сыр шертеді" тақырыбында ауданымыздың тарихи орындарымен таныстыру мақсатында видеороликтер, слайдтар көрсетілді. Ауданымызда орналасқан Ортағасырлық ЮНЕСКО-ның Бүкіләлемдік Мәдени мұра тізіміне енген Қулан, Өрнек қалашыктарының тарихымен, Әлиеатаның Қасиетті жерлеріне енген Ойранды жеріндегі Әулиебулақ, Әбілқайыр даласындағы Сұмқайтты орындарының, Дулат бабаның кесенесі ескерткіштерінің тарихымен, аңыз-әңгімелерімен таныстырып, музей қызметкерлері жылжымалы көрмеге қойылған заттарды таныстырды.

    Өлкетану сағаты жастарды тарихи ағарту және тәрбиелеу, туған өлкесінің мәдениетін, тарихи ескерткіштерін танып білуге баулыды.

АУҒАННЫҢ ОТ-ЖАЛЫНЫ МӘҢГІ ЖАДЫМЫЗДА

    Құлан агротехникалық жоғары колледжінде Кеңес әскерінің Ауған жерінен шығарылғанына 34 жыл толуына арналған Ауған соғысының ардагерлерімен кездесу өтті. Кездесуге Ауған асуында от кешкен, сұрапыл соғыстың ардагерлері Ноғайбаев Жанат Әбікұлы, Атабаев Ербұлан Рахметханұлы және Шабеев Ерлік Тоғанбайұлы қатысты. Іс-шара барысында кеш қонақтары жастарға жүректе жазылмайтын, тарих қоржынының бір басында жатқан Ауған соғысы туралы әңгімеледі. Арада жылдар өткенімен ерлікпен қаза тапқан ержүрек жауынгерлеріміздің ерлігі ел есінде мәңгі сақталады. Сондықтан да жас буынға ауған ардагерлерінің өжеттігін үлгі ету, ауған соғысында опат болған жауынгерлердің рухына тағзым ету, есімдерін қастерлеуге тәрбиелеу әрқайсымыздың қасиетті борышымыз

КӘСІПТІК БАҒДАР – БОЛАШАҚ ТАҢДАУҒА ЖОЛ

     Кәсіптік бағдар беру — қоғамның қажеттілігіне қарай әрбір оқушының қабілеттілігі мен бейімділігін ескере отырып, кәсіпке қызығушылығын қалыптастыруға және болашақ мамандығын саналы түрде таңдауға көмектесуде мақсатты атқарылатын жұмыс.

    Колледждің кәсіптік бағдар жұмысы жоспары шеңберінде 2023 жылдың 9-14 ақпан күндері аралығында Т.Рысқұлов ауданы мектептерінің 9 сынып оқушылары мен кәсіптік бағдар беру мамандарын қамтитын «Ашық есік күні» іс-шарасы ұйымдастырылуда. Аталған іс-шараның мақсаты - оқу орнының материалдық – техникалық базасымен, Халықаралық WorldSkills талаптарына сай жабдықталған құзыреттілік орталықтарымен, студенттерге жасалған жағдайлармен таныстыру.

    Ашық есік күні аясында ауданның барлық жалпы орта білім беретін мектептерінің оқушылары колледжішілік өткізіліп жатқан студенттердің кәсіби деңгейлерін айқындайтын «WorldSkills Kulan – 2023» чемпионатының барысын тамашалады. Нәтижесінде мамандығын саналы түрде таңдауға септігін тигізді деп санаймыз.

КӘСІБИ ДОДА МӘРЕСІНЕ ЖЕТТІ

    Құлан агротехникалық жоғары колледжінде екі күнге созылған "WorldSkills Qulan - 2023" чемпионаттың нәтижесін құзыретті сарапшылар тобы әділетті бағалап жария етті. Байқау қорытындысы бойынша:

    І орын: «Ветеринария» құзыреттілігі бойынша Байболатов Нұрхан (жет. Е.Тасжүреков), «Агрономия» құзыреттілігі бойынша Мәлік Диана (жет. Д.Табылды), «Пісіру технологиялары» құзыреттілігі бойынша Бекболатов Болат (жет. Г.Рахимов), «Электромонтаж» құзыреттілігі бойынша Бакулин Артем (жет. Е.Ержанов), «Сән технологиясы» құзыреттілігі бойынша Каден Фатима (жет. Г.Рахманова), «Аспаздық іс» құзыреттілігі бойынша Керимкулова Ардақ (жет. М.Аденов), «Графикалық дизайн» құзыреттілігі бойынша Қайыпжан Ермахан (жет. Ә.Бекназарова), «Сүт өнімдерін өңдеу» құзыреттілігі бойынша Артықбаева Жібек (жет. К.Еримбетова), «Ет өнімдерін өңдеу» құзыреттілігі бойынша Алихан Елнура (жет. А.Келіскен);

    ІІ орын: «Ветеринария» құзыреттілігі бойынша Джуматаева Анастасия (жет. Ж.Байсақалова), Ишкараев Абдулло (жет. Б.Тұтқышбаев), «Агрономия» құзыреттілігі бойынша Устемиров Есжан (жетекшісі Ж.Даулетов), Әлтай Аяулым (жет. Д.Табылды), «Пісіру технологиялары» құзыреттілігі бойынша Хрукин Виктор (жет. Р.Орманалиев), Тоқтасын Дінислам (жет. Г.Рахимов), «Сән технологиясы» құзыреттілігі бойынша Әзірет Толғанай (жет. Г.Рахманова), «Аспаздық іс» құзыреттілігі бойынша Қыдырбай Ақмарал (жет. М.Аденов), «Электромонтаж» құзыреттілігі бойынша Фрей Данил (жет. М.Қарабалаев), «Графикалық дизайн» құзыреттілігі бойынша Бақтығұл Мақсат (жет. Б.Рахметалиев), Айтқазиев Сұлтан (жет. Ә.Бекназарова), «Сүт өнімдерін өңдеу» құзыреттілігі бойынша Максатқызы Аделя, Бабурина Галина (жет. Н.Габдуллина), «Ет өнімдерін өңдеу» құзыреттілігі бойынша Рахмашова Арайлым (жет. А.Келіскен).

    ІІІ орын: «Ветеринария» құзыреттілігі бойынша Ілінбек Бексұлтан (жет. Б.Сраилов), Жантыкова Дилафруз (жет. Т.Қысық), «Агрономия» құзыреттілігі бойынша Асылхан Аймахан (жет. М.Ятаев), Несіпбай Шырайлым (жет. Ғ.Өмірбеков), «Пісіру технологиялары» құзыреттілігі бойынша Бегалиев Нұрсұлтан (жет. Г.Рахимов), «Сән технологиясы» құзыреттілігі бойынша Қайсарбай Айдана (жет. Г.Рахманова), «Аспаздық іс» құзыреттілігі бойынша Ешмұхан Аяла (жет. И.Саркулова), «Электромонтаж» құзыреттілігі бойынша Рсымбек Диас (жет. Е.Ержанов), «Графикалық дизайн» құзыреттілігі бойынша Алмасбек Шыңғыс (жет. Б.Рахметалиев), «Сүт өнімдерін өңдеу» құзыреттілігі бойынша Ермолаева Вероника (жет. О. Нұрбеков).

    Кәсіби доданың жүлдегерлері мен жетекшілерін марапаттарымен құттықтап, жеңімпаздарға облыстық WorldSkills чемпионатында сәттілік тілейміз!

«WORLDSKILLS QULAN -2023» ЧЕМПИОНАТЫ

    Құлан агротехникалық жоғары колледжінде студенттердің кәсіби құзыреттіліктерін арттыру, жоғары білікті мамандардың дәрежесін көтеру мақсатында Worldskills чемпионатының 1-ші колледжішілік кезеңі өткізілуде. Кәсіби сайысқа қатысушы 59 үміткер өз шеберліктерін 9 құзыреттілік бойынша додаға салуда:

- «Ветеринария» құзыреттілігі бойынша – 14 студент;

- «Агрономия» құзыреттілігі бойынша – 9 студент;

- «Сүт өнімдерінің өндірісі» құзыреттілігі – 5 студент;

- «Пісіру технолгиялары» құзыреттілігі – 5 студент;

- «Электромонтаж» құзыреттілігі – 5 студент;

- «Графикалық дизайн» құзыреттілігі – 6 студент;

- «Аспаздық ісі» құзыреттілігі – 4 студент;

- «Сән технологиясы» құзыреттілігі – 3 студент;

- «Ет өнімдерінің өндірісі» құзыреттілігі – 2 студент.

    Колледжішілік байқауда жеңіске жеткен жеңімпаздар облыстық «WorldSkills Zhambуl-2023» чемпионатына жолдама алады. Барлық қатысушыларға сәттілік тілейміз.

ДАНА ДИДАЙМЕН КЕЗДЕСУ

     Құлан агротехникалық жоғары колледжінің студенттерімен ауданымыздың Абай ауылының тумасы, қазақ елінің мақтанышы, жастар арасында бокстан Әлем чемпионатының алтын, күміс, қола жүлдегері Қазақстан чемпионатының төрт дүркін чемпионы Дана Дидаймен кездесу өтті. Кездесуге Т.Рысқұлов аудандық әкімдігінің ішкі саясат бөлімінің «Жастар ресурстық орталығы» КММ директоры Әбіләшім Мырқасымов, ауданымыздың білікті бапкері, Дана Дидайдың алғашқы бапкері Бақытбек Толымбетов қатысты. Дана Дидай жастарға спортпен айналысатын болса салауатты өмір салтын ұстану қажеттігін және өзі барған әлем қалалары мен халқының ерекшелігі туралы, спорт саласының қызығы мен қиындықтарын айтып, «Жетістік кілті - табандылықта», - дей отырып, алға қойған мақсаттары Әлемдік олимпиада ойындарына қатысу екендігін де жасырмады. Алдағы жоспарымен бөлісіп, Әлем чемпионатына қызу дайындық үстінде екендігін айтты.

МАҚСАТТЫ ТАПСЫРЫС – ӨЗЕКТІ МӘСЕЛЕ

    Құлан агротехникалық жоғары колледжінде Т.Рысқұлов ауданы әкімдігінің ұйымдастыруымен «Ауыл шаруашылығы саласының мамандары: қазіргі жағдайы, перспективалары» тақырыбында аудандық конференция өткізілді.

    Бүгінгі күннің басты талабына айналған аудандағы жұмыссыздық деңгейін төмендету, шаруашылықтарға қажет мамандар тапшылығын жою, жұмыссыз жастар санын азайту мақсатында өткізілген іс-шарада ауылшаруашылығы саласын сапалы мамандармен қамтамасыз етуде мақсатты тапсырыс негізінде оқуға қабылдауды қалыптастыру мәселесі де көтерілді.

    Іс-шараға аудан әкімі Ернар Есіркепов бастаған бөлім басшылары, агросала қызметкерлері, ірі шаруа қожалық жетекшілері қатысты.

   Жиынның нәтижесінде аудан әкімдігі, білім мекемесі және “Nomad”, “Луговой жылқы зауыты”, “Керең”, “Шәушен” шаруа қожалықтары мен аудандық ветеринариялық станциясы арасында үшжақты келісім жасалып, тараптар арнайы меморандумға қол қойды.

  Конференция соңында қатусышыларға колледждің заманауи талаптарға сай жабдықталған материалдық-техникалық базасы таныстырылып, сапалы да білікті мамандарды дайындауға толық мүмкіндіктері де бар екені жеткізілді.

ХАЛЫҚҚА ҚЫЗМЕТ-БАСТЫ МІНДЕТ!

    Құлан агротехникалық жоғары колледжінің базасында ауданның ірі шаруашылықтарымен ұйымдастырылған бас қосуда бірқатар өзекті мәселе қаралып, негізгі бағыт айқындалды.

Атап айтсақ, аудан әкімдігі, жұмыс беруші мен 100 жылдық тарихы бар білім ордасы арасында келісімге келіп, келісімшарт нәтижесінде аудандағы жұмыссыздық деңгейін төмендету, шаруашылықтарға қажет мамандар тапшылығын жою, жұмыссыз жастар санын азайту сынды мәселелер қамтылмақ.

     Яғни, жергілікті атқарушы орган мен колледж бірлесе отырып қажетті де білікті мамандарды даярлауды қолға алса, жұмыс беруші ол азаматтарды жұмыспен қамтуға міндеттеме алып, “Nomad”, “Луговой жылқы зауыты”, “Керең”, “Шәушен” шаруа қожалықтары мен аудандық ветеринариялық станциясы меморандумға қол қойып отыр.

Сонымен қатар, білім беру мекемесінің мүмкіндіктері мен заманауи қондырғылары жұмыс берушілерге арнайы, көрнекі түрде таныстырылып, сапалы да білікті мамандарды дайындауға толық мүмкіндіктері бар екендігін жеткізді.

    Осынау маңызды да мағыналы өткен жиынның қорытындысымен тараптар бірлесіп жұмыс атқаруға ниетті болып тарқасты. Демек, келелі кездесу нәтижелі өттіп, алдағы уақытта өз шешімін табады деп айтуға толық негіз бар.

    Біздің басты міндетіміз - халықтың әл ауқатын арттыру үшін жұмыс орындарын құрып, жұмыссыздар санын азайту. Сондықтан, осы бағыттағы жұмыстарға бар күш-жігерімізді салуымыз қажет.

ҚЫСҚЫ ПЕДАГОГИКАЛЫҚ ОҚУЛАР
           Құлан агротехникалық жоғары колледжінің әдістемелік жұмыс жоспарына сәйкес «Заманауи білім беру: жаңа уақыт - жаңа көзқарас» тақырыбында қысқы педагогикалық оқулар өткізілді. Заманауи талаптарға сәйкес болашақ мамандардың кәсіптік  құзіреттіліктерін  қалыптастыруда колледж оқытушыларының инновациялық қызметін дамыту мақсатында өткізілген іс-шара 3 бағыт бойынша ұйымдастырылды. Колледждің 27 педагогі білім берудің өзекті мәселелерін шешудегі үздік тәжірибені көрсетіп, жаңғыртылған білім мазмұнын іс-тәжірибеге енгізу әдістемесін көрсетті.

АЙТМАТОВ ОҚЫҒАН ТЕХНИКУМ

    «Адамзаттың Айтматовы» атанған заманымыздың заңғар жазушысы өмірден өткенге дейін Жамбыл жерін ешқашан есінен шығарған емес. Дәуірдің дарабозы 1945-1948 жылдар аралығында Жамбыл зооветеринариялық техникумында білім алып, зоотехник мамандығы бойынша үздік бағаға бітірген.

     Ол кезде аталмыш оқу ордасы бұ­рынғы Жамбыл қаласында болса, қазіргі таңда Тұрар Рысқұлов ауданының орталығы Құлан ауылында орналасқан. Атауы да өзгерген. Қазіргі таңда ол Құлан агротехникалық колледжі деп аталады.

«МЕНІҢ ӨМІРІМДІ ӨЗГЕРТКЕН КІТАП» ТАҚЫРЫБЫНДАҒЫ ЭССЕ КОНКУРСЫ

         Құлан агротехникалық жоғары колледжінде «Оқуға құштар колледж» бағдарламасын жүзеге асыру аясындағы 1 курс студенттері арасында «Менің өмірімді өзгерткен кітап» тақырыбындағы эссе жазудан конкурс өткізілді. Конкурстың мақсаты білім алушылардың көркем шығармаларды оқуға деген ұмтылыстарын арттыру, сыни және логикалық ойлау дағдыларын дамыту, әдеби тіл байлығын кеңейту. Байқауға қатысқан ойы ұшқыр,сөзі көркем студенттер дипломдармен және алғыс хаттармен марапатталды.

«РОБОТТЫҢ АДАМҒА ПАЙДАСЫ» ТАҚЫРЫБЫНДАҒЫ ДӨҢГЕЛЕК ҮСТЕЛ

        М.Х.Дулати атындағы Тараз өңірлік университетінің «Физика және ІТ» кафедрасының «Робототехника» студенттік ғылыми үйірмесі ұйымдастырып отырған «Роботтың адамға пайдасы» тақырыбындағы дөңгелек үстел форматындағы ашық отырысқа колледждің студенттері Р.Мороз (жетекші Б.Рахметалиев) және А.Егізбаев (жетекші А.Бекназарова) қатысып сертификаттарға ие болды.

СТУДЕНТТІК ПАРЛАМЕНТ АЙНАСЫ

       Құлан агротехникалық жоғары колледжінде  студенттік парламенттің ұйымдастыруымен «Салауатты өмір салтын ұстану денсаулық кепілі» атты спорттық жарыс өтті. Жарыс барысында гимнастикалық жаттығулар жасай отырып, арқан тарту, кол күрес, гир көтеру мен қатар қашықтыққа жүгіру, биіктіктен секіру жаттығуларын жасап командалық сайысқа түсті. Нәтижесінде жүлдегер командалар анықталып, марапатталды.

СТУДЕНТТІК ПАРЛАМЕНТ АЙНАСЫ

   Студенттік парламент мүшелерінің ұйымдастыруымен Құлан агротехникалық жоғары колледжінде «Атақты адамдар жақсы үлгі бола ма, жоқ па?» деген тақырыпта пікір-сайыс  өтті.  Дебат барысында еліміздің атақты хандары, әділ билері, ақын жазушылары жас ұрпаққа үлгі боларлықтай қасиеттері  кеңінен талқыланып, білім алушылардың сөйлеу шеберліктері шыңдалды.

СТУДЕНТТІК ПАРЛАМЕНТ АЙНАСЫ

      Құлан агротехникалық жоғары колледжінде Қазақстан Республикасының Тәуелсіздік күніне орай Студенттік парламенттің салтанатты жиыны өткізілді. Жиында ата -бабаларымыздың арманы болған азаттықтың ауыр жолын тарихи деректер арқылы талқылай отырып, елін, жерін сүйетін, мемлекетіміздің гүлденуіне өз үлестерін қосатын тұлға болуға шақырды. Сонымен қатар студенттердің өзін-өзі басқарудың өзекті мәселелері талқыланып, жұмысты өзектендіру бойынша тың идеялар ұсынылды.