ҚЫЗМЕТКЕРЛЕРМЕН ТРЕНИНГ ӨТТІ
Құлан агротехникалық жоғары колледжінде колледж психологының ұйымдастыруымен қызметкерлер арасында жақсы сыйластық қарым-қатынас орнатып бір – біріне сенім арттыру және бірлесіп жұмыс жасауға баулу мақсатында «Ұжымдағы қызметкерлердің әдебі мен мәдениеті» тақырыбында психологиялық тренинг өтті. Тренингте қызметкерлер жақсы көңіл-күймен әсер алып, соңында бір-біріне сәттілік тіледі.
АЛАШ МҰРАСЫ – ҰРПАҚҚА АМАНАТ.
Құлан агротехникалық жоғары колледжінде студент жастарға қазақ халқының тарихындағы қасіретті кезеңде солақай саясаттың құрбаны болған қазақ халқының зиялылары туралы мағлұмат беру, олардың есімдерін құрметтеуге, ұмытпауға тәрбиелеу мақсатында «Алаш қозғалысының тарихи мұрасы» тақырыбында кітап көрмесі ұйымдастырылды.
Көрмеге ХХ ғасырдың алғашқы ширегінде Ресей империясының отарлық билік жүйесіне қарсы бағытталған ұлт-азаттық қозғалысты, қазақ даласында Ресейлік басқару жүйесінің күшейе түсуі, қазақ халқының өзін-өзі сақтап қалуы үшін күресті күшейту мәселелерін баяндайтын әдебиеттер мен интернет желісінен алынған фотосуреттер қойылды.
Жігіт сұлтаны – 2022
Құлан агротехникалық жоғары колледжінде Қазақстан Республикасы Қарулы Күштерінің құрылғанына 30 жыл толуына орай «Жігіт сұлтан – 2022» байқауы өтті. 5-кезеңңнен тұрған сайыс барысында қатысушылар өздерін таныстырудан бастап, бойларындағы шеберлік, қолөнерлік тапқырлық жағынан өз өнерлерін көрсетті.
Сайыс қорытындысы бойынша :
1 дәрежелі дипломмен - Нурпейсов Нурболат 2 курс «Ақпараттықт жүйелер тобы;
2 дарежели диплом 2 курс ветеринар тобынын студенти Карабай Рамазан
3 дарежели диплом Кайпбаев Резван 1 курс «Ветеринария» тобы жеңіп алды. Сонымен қатар
Әр номинация бойынша қатысушылар атақтармен марапатталады. Марапаттау:
1. номинация бойынша қатысушылар атақтармен марапатталады. Марапаттау:
1. Бас жүлде – «Жігіт сұлтаны»
2. «Дарынды жігіт»
3. «Сегіз қырлы, бір сырлы».
4. «Өнерпаз жігіт»
5. «парасатты жігіт»
6. «Алғыр жігіт».
7. «Шымыр жігіт».
8. «Шешен жігіт»
ДӘУІРДІҢ ЖАРЫҚ ЖҰЛДЫЗЫ - АХМЕТ БАЙТҰРСЫНҰЛЫ
Құлан агротехникалық жоғары колледжінің студенттері Ахмет Байтұрсынұлының 150 жылдық мерейтойына орай өткізілген «Дәуірдің жарық жұлдызы - Ахмет Байтұрсынұлы» атты облыстық байқауға қатысты. Колледждің «Алаш жастары» тобы байқаудың келесі кезеңдері бойынша өз өнерлерін көрсетті:
1-кезең. «Амандасу - салтымыз»;
2-кезең. «Өнерлі өрге жүзер»;
3-кезең. «Жүйріктен жүйрік озар жарысқанда».
Колледж студенттері ағартушы, ұлттық жазудың реформаторы, ұлы ұстаз - Ахмет Байтұрсынұлының өшпес өнегесін, сарқылмас мұрасын шеберлікпен көрсетіп, ІІ дәрежелі дипломмен марапатталды. Облыстық колледжаралық байқауға жүлдегерлерді дайындағаны үшін жетекшісі А. Сүгірбекова алғыс хат иеленді.
ҒЫЛЫМҒА АЛҒАШҚЫ ҚАДАМ.
Құлан агротехникалық жоғары колледжінің білім алушылары М.Х.Дулати атындағы Тараз өңірлік университетінің "Логос" студенттік үйірмесі ұйымдастырған "Қазіргі жастардың рухани құңдылықтары" тақырыбындағы «дөңгелек үстел» форматында өткізілген ашық отырысқа қатысты.
Іс-шараға колледж студенттері Күмісбек Жансая «Қазіргі жастардың рухани құндылықтары» және Шырғанақбай Наргиза «Көк түріктің көсемі Мұстафа Шоқай» атты баяндамаларын ұсынып, І дәрежелі дипломмен марапатталды. Студенттердің жетекшілері А.Омарова мен Г.Сабдраимова алғыс хат иеленді.
СТУДЕНТТЕГЕ АУЫЗАШАР БЕРІЛДІ
Қасиетті Рамазан айында Құлан агротехникалық жоғары колледж жатақханасында жатақхана ұжымының ұйымдастырумен студенттерге ауыз ашар берілді.
Ауыз бекіткен жатақхана студенттеріне дәмді тағамдармен сусындар ұсынылды.
СЫБАЙЛАС ЖЕМҚОРЛЫҚТЫҢ АЛДЫН АЛУ
Құлан агротехникалық жоғары колледжінде корпоративтік әдептілік нормаларын құру арқылы, қызметкерлер арасында құқық бұзушылықтардың алдын алу мақсатында оқу орнының қызметкерлері арасында ішкі әдептілік қағидаттарын қалыптастыру, әдептілік нормаларын қызметкерлермен қабылдау тақырыбында жиналыс өтті. Жиналыс барысында ұжым мүшелерінің арасындағы қарым-қатынас мәселелері, қызметкерлер этикасы, оқытушы мен студент және оқытушы мен қызметкерлер арасында тренинг, сауалнама арқылы психологиялық ахуалды жақсарту сұрақтары көтерілді. Колледждің Әдеп жөніндегі комиссиясының жұмысын жандандырып пайда болатын мәселелерді шешу жолдары көрсетілді.
НАШАҚОРЛЫҚ – ҚОҒАМДЫҚ ДЕРТ
Құлан агротехникалық жоғары колледжінде студенттерге темекінің, есірткінің зияны туралы түсінік қалыптастыру, салауатты өмірге жетелеу, денсаулықты сақтау, улы заттардың адам ағзасын уландырып тоздыратынын түсіндіру мақсатында «Есірткісіз қоғам» тақырыбында конференция өтті. Конференция барысында студенттер нашақорлық дертіне шалдыққандардың өмірі жайлы баяндамаларды презентация арқылы көрсетті. Сонымен қатар жастар нашақорлық мәселесіне қатысты жеке пікірлерін білдіріп салауатты өмір салтын насихаттады.
ЖАТАҚХАНА ӨЗ ҮЙІМ!
Құлан агротехникалық жоғары колледжінің жатақхана студенттерінің арасында «Жатақхана өз үйім!» атты топтық сайыс өткізілді. Үш кезеңнен тұратын сайыста студенттер топтарға бөлініп өнерлерін ортаға салды. Бірінші кезеңде өз топтарын бейнебаян арқылы таныстырса, екінші кезеңде түрлі би, ән айту өнерлерін ұсынды. Байқаудың үшінші кезеңінде көрермендер жатақхана өмірінен, қызықты сахналық көріністерді тамашалады. Жатақхана тұрғындарының өнері әділқазылар алқасымен бағаланып, қатысушылар дипломдармен марапатталды.
ҚАЗАҚСТАН ҚАРУЛЫ КҮШТЕРІНІҢ ҚҰРЫЛҒАНЫНА 30 ЖЫЛ.
Құлан агротехникалық жоғары колледжінде Қазақстан Қарулы Күштерінің құрылғанына 30 жыл толуына орай және жастардың бойында патриоттық сезімдерді барынша қалыптастыру мақсатында 03811 әскери барлау полкінің әскери қызметкерлерімен «Қазақстан Қарулы Күштері қызметінің басым бағыты» тақырыбында кездесу кеші өтті. Іс-шараға бөлім командирінің тәрбие және идеологиялық жұмыстар жөніндегі орынбасары подполковник Ахилбаев Нұрғали Дүйсенбайұлы, кадр қызметінің бастығы аға лейтенант Тукушев Ернар Муратович және полк сержанты 1-ші сыныпты сержанты Имағанбетов Данияр Абдіжалилұлы қатысты. Іс-шара барысында ҚР әскер қатарындағы жауынгерлер өмірі туралы бейне фильм көрсетіліп, әскери қызметкерлер әскерге шақырылушыларды әскери есепке алу жұмыстары туралы түсіндірме жұмыстарын жүргізіп жас сарбаздарға ел қорғап, Отанына адал қызмет ету азаматтық борыштары екендігін айтып өтті.
ҒЫЛЫМҒА АЛҒАШҚЫ ҚАДАМ.
Құлан агротехникалық жоғары колледжінің білім алушылары М.Х.Дулати атындағы Тараз өңірлік университетінің "Агромелиорация" студенттік үйірмесі ұйымдастырған "Қазақстанның бүлінген жерлерін қайта қалпына келтіру" тақырыбындағы семинарға қатысты. Студенттер іс-шараға колледждің оқу-тәжірибелік алаңында жүргізген ізденіс жұмыстарын ұсынды. «Орман шаруашылығы,бақ-саябақ және ландшафт дизайны» мамандығының студенті Н.Темірхан І дәрежелі дипломмен марапатталса, «Агрономия» мамандығының студенті С.Абдықалық ІІ орын иеленді.
«Су шаруашылығы және табиғатқа үйлестіру институты» директорының атынан студенттерге жетекшілік жасаған өндірістік оқыту шеберлері Ғ.Өмірбеков пен Ж.Даулетовке алғыс хат табысталды.
ЕСКЕРТКІШТЕРДІ ҚОРҒАУ – ЕЛДІКТІҢ БЕЛГІСІ
18 сәуір – Халықаралық ескерткіштер мен тарихи орындарды қорғау күніне орай Құлан агротехникалық жоғары колледжінің 1 курс «Тамақтандыруды ұйымдастыру» мамандығының студенттері тарих пәнінің оқытушысы Г.Маханбетованың, топ жетекшісі А.Әшімбекованың жетекшілігімен, Мэлс Өзбеков атындағы аудандық мәдениет үйіне қарасты тарихи-мәдени ескерткіштерді қорғау бөлімінің ұйымдастыруымен өткізілген мерекелік іс-шараға қатысты.
Іс-шараның ашылу сәтінде студенттерге Мэлс Өзбеков атындағы аудандық Мәдениет үйіне қарасты тарихи-мәдени ескерткіштерді қорғау инспекторы З.Сарманбетова Рухани жаңғыру залында «Мәдени ескерткіштер тарихтан сыр шертеді» атты Т.Рысқұлов ауданының аумағында орналасқан тарихи орындарының презентациясы ұсынылып бейнефильм көрсетілді.
Жас ұрпаққа ескерткіштерді қорғау елдің, барша халықтың баға жетпес асыл қазынасы екенін түсіндіріп, насихаттау мақсатында аудандық тарихи-өлкетану музейінің меңгерушісі Е.Утембаев, кіші ғылыми қызметкері Б.Толыбаев, экскурсоводы М.Бошқаев Т.Рысқүлов аудандық тарихи-өлкетану музейінің археологиялық, тарихи, этнографиялық бөлімдерімен таныстырып, археология қазба жұмыстары жүргізілген, ЮНЕСКО-ның Бүкіләлемдік Мәдени Мұра тізіміне енген Құлан қалашығына, Дулат баба кесенесіне экскурсия жасады.
Тарихи-мәдени ескерткіштерді қорғап, сақтау және болашақ ұрпаққа аманат етіп қалдыру – әрқайсымыздың азаматтық міндетіміз екенін, колледж жастары бойына сіңірді.
«КАСПИЙ БЕКІРЕСІ ЛИМИТЕД» ЖШС-дегі технологиялық тәжірибе
Құлан агротехникалық жоғары колледжінің «Балық шаруашылығы» мамандығының студенттері «Каспий Бекіресі Лимитед» ЖШС-де технологиялық тәжірибеден өтуді жалғастыруда. Тәжірибе барысында студенттер шаруашылықта өсіріліп жатқан бекіре балықтарының түрлерімен, олардың қоректік спектрімен тәжірибе жүзінде танысуда.
Студенттер бір балықтың салмағын өлшеу арқылы ваннадағы барлық балықтардың салмағын анықтау, судың температурасын өлшеу арқылы нормаға сай қалыпты жағдайға келтіру жұмыстарын да жүргізді.
ХАЛЫҚАРАЛЫҚ ӘДІСТЕМЕЛІК ФЕСТИВАЛЬГЕ ҚАТЫСУ
2022 жылдың 4-5 сәуір аралығында Чувашия Білім Министрлігінің Цивиль аграрлық-технологиялық техникумының ұйымдастыруымен «Негізгі жалпы білім беру базасында іске асырылатын орта кәсіптік білім беру бағдарламаларының кәсіптік бағытын ескере отырып, жалпы білім беретін пәндерді оқыту Тұжырымдамасы» аясында «Орта кәсіптік білім беру бағдарламаларының кәсіптік бағытын ескере отырып, жалпы білім беретін пәндерді оқыту» тақырыбында ашық әдістемелік фестиваль өткізілді. Online форматта ұйымдастырылған фестивальға Құлан агротехникалық жоғары колледжінің орыс тілі және әдебиеті пәнінің оқытушысы Г.Қойшыманова «Ч.Т.Айтматов «Легенда о манкурте». Сложные предложения» тақырыпта бейнесабағын ұсынып І орынға ие болды, ағылшын тілі пәнінің оқытушысы А.Әшімбекова «Роль профессионального английского языка в формировании компетенций специалистов ветеринарии» атты баяндамасын ұсынып ІІІ орынды иеленді.
Ашық әдістемелік фестивальді өткізудегі ынтымақтастығы үшін колледж директорларының орынбасарлары Г.Маханбетова және М.Бағылбекова алғыс хаттармен марапатталды.
«WORLDSKILLS AQMOLA -2022» ЧЕМИОНАТЫ МӘРЕСІНЕ ЖЕТТІ
14-15 сәуір аралығында Ақмола облысы білім басқармасының ұйымдастыруымен Шағалы жоғары агротехникалық колледжінде Өңірлік «WorldSkills Aqmola -2022» кәсіби шеберлік конкурсы өткізілді. «Астық және оны қайта өңдеу өнімдерінің сапасын айқындау» құзыреттілігі бойынша өткен чемпионатта 8 өңірден келген қатысушылар 4 модуль бойынша тапсырмаларды орындап кәсіптік білімдерін сынға салды. Құлан агротехникалық жоғары колледжінің Агрономия мамандығының студенті Байболатова Сезім жоғары кәсіби шеберлігімен ерекшеленіп, жүлделі ІІ дәрежелі дипломмен марапатталды. Жетекшісі, агрономиялық пәндер оқытушысы Абишова Асел шәкіртін қатыстырып дайындағаны үшін Алғыс хат иеленді. Жеңіс құтты болсын!
РОЗА БАҒЛАНОВАНЫҢ 100 ЖЫЛДЫҒЫ АТАЛЫП ӨТІЛДІ
Құлан аротехникалық жоғары колледжінде аты аңызға айналған жез таңдай әншіні насихаттау мақсатында қазақтың ән әлемінде атақ-даңқы әлемге жайылып, есімі белгілі болған Қазақстанның, Кеңес Одағының халық әртісі, Халық Қаһарманы, қайталанбас ғажап дауыс иесі, ұлы әнші Роза Тәжібайқызы Бағланованың туғанына 100 жыл толуына орай «Ән әлемінің саңлағы» атты әдеби сазды кеш өтті.
Қазақтың күміс көмей әншісінің өнер жолына келуін сахналық көрініспен әсерлі жеткізіп, Роза Тәжібайқызының репертуарындағы Ұлы Отан соғысы жылдарында майдан жауынгерлерінің алдында шырқаған, қазақ композиторларының және әйгілі «Ах, Самара-городок» әндерінің сахна төрінде орындалуына аудандық мәдениет үйінің әншілері, балалар музыка мектебінің оркестры, хоры, колледждің өнерлі педагог қызметкерлері атсалысты.
Кешке Т.Рысқұлов аудандық Мэлс Өзбеков атындағы мәдениет үйінің директоры Н.Базарқұлов, Мұқан Төлебаев атындағы балалар музыка мектебінің директоры Б.Бабасов, Т.Рысқұлов ауданы әкімдігінің ішкі саясат бөлімінің жастар ресурстық орталығының директоры Ә.Мырқасымов қатысты.
«КАСПИЙ БЕКІРЕСІ ЛИМИТЕД» ЖШС-дегі технологиялық тәжірибе
Құлан агротехникалық жоғары колледжінің «Балық шаруашылығы» мамандығының студенттері «Каспий Бекіресі Лимитед» ЖШС-де технологиялық тәжірибеден өтуді жалғастыруда. Тәжірибе барысында студенттер шаруашылықта өсіріліп жатқан бекіре балықтарының түрлерімен, олардың қоректік спектрімен тәжірибе жүзінде танысуда.
Студенттер бір балықтың салмағын өлшеу арқылы ваннадағы барлық балықтардың салмағын анықтау, судың температурасын өлшеу арқылы нормаға сай қалыпты жағдайға келтіру жұмыстарын да жүргізді.
«WORLDSKILLS AQMOLA -2022»
Құлан агротехникалық жоғары колледжінің Агрономия мамандығының студенті Байболатова Сезім Ақмола облысы білім басқармасының «Шағалы жоғары агротехникалық колледжі» МКҚК базасында ұйымдастырылған Өңірлік «WorldSkills Aqmola -2022» кәсіби шеберлік конкурсына «Астық және оны қайта өңдеу өнімдерінің сапасын айқындау» құзыреттілігі бойынша қатысуда. 14-15 сәуір аралығында өтетін чемпионатта қатысушылар 4 модуль бойынша тапсырмаларды орындап кәсіптік білімдерін сынға салады. Колледж ұжымы Сезімге сәттілік және жеңіспен оралуына тілектес!
СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ – ӘРБІР АЗАМАТТЫҢ МІНДЕТІ
Құлан агротехникалық жоғары колледжінде сыбайлас жемқорлыққа қарсы комплаенс қызметі туралы қызметкерлерге құқықтық түсінік беру жұмыстары жүргізілді. Білім беру мекеменің басшысы О.Мусакулов кездесу барысында жемқорлыққа қарсы заңнаманы, сыбайлас жемқорлық туралы ұғымды түсіндіру және сыбайлас жемқорлыққа қарсы іс-қимылдар бойынша шараларды жетілдіру, қызметкерлер және студенттер арасында заңдылық пен жемқорлыққа қарсы тәртіп орнату, сыбайлас жемқорлық құбылыстарына қарсы әрекет ете білуге тәрбиелеу қажеттілігіне тоқталды.
АУЛАНЫ АБАТТАНДЫРУ – ОРТАҚ МІНДЕТ
Құлан агротехникалық жоғары колледжінде көгалдандыру жұмыстары жалғасуда. Колледж ауласын көркейту мақсатында колледж оқытушылары мен студенттер аулаға 100 түп раушан гүлін, 15 түп павлония, 6 түп мальва және тағы басқа декоративті ағаштар отырғызып, көңілге шуақ, көзге көрік сыйлайтын игі істермен көңіл көншітті.
Powered by aSc EduPage
