Жаңалықтар

ЖЕТІСТІККЕ ТОЛЫ ЕҢБЕК ФОРУМЫ

Құлан агротехникалық жоғары колледжі студенттері Тараз қаласының «Қоғамдық келісім» ғимаратында өткен ІV Еңбек форумына атсалысып өз үлестерін қосты. «Агрономия» мамандығының студенттері колледж жылыжайында өсірілген жемістерін, «Сүт өнімдерінің өндірісі» мамандығының студенттері колледжің сүт өнімдерін өндіру цехында дайындалған сүт өнімдерін көпшілікке ұсынды.

Еңбек форумында колледжің әлеуметтік серіктесі, атағы республикаға танымал кәсіпкер Балжан Қолдасова басшылық ететін «Шәушен» шаруа қожалығы, колледждің үздік студенттері - Н.Сейтжан, Қ.Құлынбаев, И.Исақұл, А.Бакулин, Г.Мубаширхановаға, қолдау көрсету мақсатында атаулы шәкіртақы тағайындады.

Еңбек форумы барысында Жамбыл облысы әкімі Б.Сапарбаев «Табысты түлек» номинациясында колледждің түлегі, жеке ветеринарлық клиника жетекшісі Айбек Ибрагимовты, «Ең үздік әлеуметтік серіктес» номинациясында колледждің әлеуметтік серіктестері «Меркі ірімшік зауыты» ЖШС-ін (басшысы Дастан Айтуленов) және «Шәушен» шаруа қожалығын (басшысы Балжан Қолдасова) Алғыс хаттармен және естелік сыйлықтармен марапаттады.

А.С.ПУШКИННІҢ ӨМІРІ МЕН ШЫҒАРМАШЫЛЫҒЫ ДӘРІПТЕЛДІ

Құлан агротехникалық жоғары колледжінде Қоғамдық-гуманитарлық пәндердің онкүндік декадасы аясында студенттерді орыс халқының Ұлы ақыны А.С.Пушкиннің шығармашылығымен кеңірек таныстыру, білім алушылардың кітапқа деген сүйіспеншілігін оята отырып, ақынның махаббат лирикасы туралы ойлары мен білімдерін байыту мақсатында  «Сгорая пламенем любви» тақырыбында музыкалық-поэзиялық кеш өтті. Іс-шара барысында ақынның өмірі мен шығармашылығы туралы видеофильм көрсетіліп, шығармаларынан көріністер көрсетілді. Сонымен қатар студенттер Пушкиннің махаббат лирикасын мәнерлеп оқып, кеш соңында өмірбаянынан викториналық сұрақтарға жауап берді.  

«ЖЕЛТОҚСАН- ТӘУЕЛСІЗДІКТІҢ БАСТАУЫ» АТТЫ  МӘНЕРЛЕП ОҚУ БАЙҚАУЫ

Құлан агротехникалық жоғары колледжінде қоғамдық-гуманитарлық пәндік циклдік комиссиясының онкүндігі аясында және Тәуелсіздік мерекесінің 30 жылдығына орай дүниені дүр сілкіндіріп, тәуелсіздік туын ең алғаш көтерген әйгілі желтоқсан оқиғасына арналған «Желтоқсан- тәуелсіздіктің бастауы» атты  қазақ және орыс тілдерінде мәнерлеп оқу байқауы өтті. Байқауға 15 студент қатысып, ата-бабаларымыз ғасырлар бойы армандаған тәуелсіздік туралы өлеңдер оқыды. Әділ қазылар шешімінің қорытындысымен Қазақ тілі пәні бойынша:

1 орын – Өсербаева Аяужан 4 курс «Агрономия» мамандығының студенті

2 орын – Тұрсынбай Жанерке 3 курс «Аспазшы» мамандығының студенті

3 орын – Есенгелді Алинур 1 курс «Агрономия» мамандығының студенті марапатталды.

Орыс тілі пәні бойынша:

1 орын – Хамидолла Ернар 1 курс «Ветеринария» мамандығының студенті

2 орын  Әлі Елжан 1 курс «Ветеринария» мамандығының студенті

3 орын – Тұрсынбек Айғаным 1 курс «Ветеринария» мамандығының студенті марапатталды.

ТӘУЕЛСІЗДІК ТІРЕГІМ

Құлан агротехникалық жоғары колледжінде Қазақстан Республикасы Тәуелсіздігінің 30 жылдығына арналған «Тәуелсіздік тірегім» атты салтанатты мерекелік кеш өтті. Іс-шарада колледж директорының міндетін атқарушы О.Мұсақұлов оқытушылар құрамы мен колледж студенттерін мерекемен құттықтап бір топ оқытушыларды білім саласына сіңірген еңбегі үшін облыстық және аудандық құзырлы органдардың және колледждің Құрмет Грамоталарымен және Алғыс хаттарымен марапаттады. Марапаттау барысында колледішілік және колледжден тыс білім бәйгелерінде, спорттық додалар мен шығармашылық байқауларда колледж намысын қорғап, биік белестерді бағындырып жүрген студенттерде назардан тыс қалмады.

 Мерекелік кеш Тәуелсіз Қазақстанның 30 жыл ішіндегі қол жеткен жетістіктерін насихаттаумен, қазақ халқының тәуелсіздік жолындағы ерлік күресі мен ғасырлар  бойы басынан өткен қиыншылықтарын бейнелейтін көріністермен және патриоттық әндер шырқаумен жалғасын тапты.

ТҰҒЫРЫ БИІК – ТӘУЕЛСІЗДІК

Құлан агротехникалық жоғары колледжінің кітапханасында Қазақстан Республикасы Тәуелсіздігінің 30 жылдығына орай  «Тұғыры биік – Тәуелсіздік» тақырыбында кездесу кеші өткізілді. Мерекелік іс-шараға колледж оқытушылары  және тәуелсіздік құрдастары Е.Ертаев және Ғ.Өмірбеков қонақ ретінде қатысты. Кездесу барысында Тәуелсіздік жетістіктерін бейнелейтін видеофильм көрсетіліп өлеңдер оқылды. Іс-шара соңында кітап көрмесіне библиографиялық шолу жасалды.

ЖЕЛТОҚСАН – ТӘУЕЛСІЗДІКТІҢ БАСТАУЫ

Құлан агротехникалық жоғары колледжінің жатаханасында Қазақстан Республикасы Тәуелсіздігінің 30 жылдығына орай «Желтоқсан – Тәуелсіздіктің бастауы» тақырыбында мерекелі кеш өтті. Мерекелік кеш барысында Желтоқсан оқиғасындағы қазақ жастарының жанайқайын бейнелеген Тәуелсіздік құрбандары Қайрат Рысқұлбеков пен Ләззәт Асанованы сомдап

көрініс көрсетілді. Сонымен қатар жатақхана студенттері Тәуелсіздік туралы өлеңдер оқып, патриоттық әндер шырқады.  

КОЛЛЕДЖЕГІ «МЕН ӨМІРДІ СҮЙЕМІН» АКЦИЯСЫ

Құлан агротехникалық жоғары колледжінде  студенттердің өмірге құштарлығын арттыру, өмірді бағалай білуді үйрету, шығармашылық қабілеттерін дамыту мақсатында өткізілген «Мен өмірді сүйемін» акциясы өз мәресіне жетті. Байқау барысында студенттер сурет салу, мәнерлеп оқу және эссе жазу арқылы өздерінің жарқын болашаққа деген сенімдерін көрсетті. Акцияның барлық кезеңдерінің қорытындысы шығарылып белсенділік танытқан студенттер дипломдармен және алғыс хаттармен марапатталды.

ҚОҒАМДЫҚ-ГУМАНИТАРЛЫҚ ПЦК ДЕКАДАСЫ

2021 жылдың 08-25 желтоқсан аралығында Құлан агротехникалық жоғары колледжінде «Тәуелсіз еліме-30 жыл!» атпен қоғамдық-гуманитарлық пәндік циклдік комиссиясының онкүндігі өткізіледі. 8 желтоқсан күні онкүндіктің ашылуы салтанаты үш тілде жиын түрінде өтті.

Апталықтың негізгі мақсаты- Тәуелсіз еліміздің тарихи белестерін білетін, үш тілді меңгерген тұлға тәрбиелеу. Міндеттері:

- оқытудың әдіс-тәсілдерін үнемі жетілдіріп, студенттердің кәсіби тілдер қорын, сөйлеу шеберліктерін, заман талабына сай меңгертіп, студенттердің өз пікірін қорытып, дәлелдеуге үйрету;

- заман талабына сай ақпараттық технологиямен байланысты әлемдік стандартқа сай мүдделі жаңа білім беру;

- мемлекеттік тілге деген құрметті арттыру;

- ел тарихының өткені мен бүгінін бағалау.

Күтілетін нәтиже: үш тілді білетін, заман талабына сай жаңа технологияларды меңгерген саналы да білімді маман қалыптастыру.

Жиын Қазақстан Республикасының әнұранымен басталып , студенттердің қоғамдық пәндердің туелсіздік жылдарындағы жеткен жетістіктері мен еліміздің жеткен толағай табыстарына тоқталып өтті.

ҚАЗАҚСТАН – ТАТУЛЫҚ ПЕН БІРЛІКТІҢ МЕКЕНІ

Құлан агротехникалық жоғары колледжінде өзге ұлт өкілдеріне қатысты алаңдататын мәселелерді анықтау мақсатында «Қазақстан – татулық пен бірліктің мекені» тақырыбында кездесу өтті. Кездесуге  Жамбыл облыстық және Т.Рысқұлов аудандық әкімшілігінің қызметкерлері,   колледждегі студенттері арасындағы өзге ұлт өкілдері қатысты. Іс-шара барысында қонақтар Жамбыл облысы бойынша атқарылып жатқан ұлтаралық татулық пен келісімді сақтау және нығайтуға бағытталған «Бейбітшілік пен келісім» атты жаңа жобаның жүзеге асырылу барысы туралы әңгімелеп,  жастардың ұсыныс, пікірлерін тыңдады.

ЕЛІМНІҢ МАҚТАНЫШЫ – ЕЛБАСЫ!

Құлан агротехникалық жоғары колледжінің кітапханасында «1 желтоқсан – Тұңғыш Президент» күніне орай «Елімнің мақтанышы – Елбасы» тақырыбында тарихи танымдық кеш өтті. Кешке Т.Рысқұлов аудандық кітапхана қызметкерлерімен Аудандық полиция қызметкерлері қатысты. Іс-шара барысында Тұңғыш Президенттің өмір жолы тарихы, Тәуелсіз еліміздің өміріндегі жаңғыру реформалары мен Қазақстанның халықаралық дәрежесін нығайтудағы жетістіктері туралы баяндамалар оқылып, Елбасының өмір жолы туралы видеоролик көрсетілді. Сонымен қатар «Елімнің шамшырағы –Елбасы» тақырыбындағы кітап көрмесіне библиографиялық шолу жасалды.

ТҰҢҒЫШ ПРЕЗИДЕНТ КҮНІНЕ ОРАЙ МЕРЕКЕЛІК ІС-ШАРА ӨТТІ

1 желтоқсан Қазақстан Республикасы Тұңғыш Президенті күніне орай Құлан агротехникалық жоғары колледжінің үлкен акт залында мерекелік іс-шара өтті. Колледж студенттерінің ұйымдастыруымен өткен іс-шарада Елбасының қарапайым металлургтен басталған еңбек жолы мен ел басқарудағы сындарлы саясаты баяндама арқылы жеткізілді. Тағылымды шара соңы студенттердің патриоттық әндерімен жалғасын тапты.

СУРЕТ  БАЙҚАУЫ

Құлан агротехникалық жоғары колледжінде колледж өтіп жатқан «Мен өмірді сүйемін» апталық акциясы аясында «Болашаққа нық қадам» тақырыбында сурет байқауы өтті.  Байқаудың мақсаты студенттердің болашақ туралы ойларын, алға қойған мақсаттарын білу, шығармашылық қабілетін дамыту.

ЖАМБЫЛ ОБЛЫСТЫҚ МӘСЛИХАТЫ ДЕПУТАТТАРЫ КОЛЛЕДЖДЕ

Құлан агротехникалық жоғары колледжінде Жамбыл облыстық мәслихаты депутаттары «ҚР агроөнеркәсіптік  кешенін дамытудың 2017-2021 жылдарға арналған мемлекеттік бағдарламасының жүзеге асырылуы туралы» мәселесі бойынша  зерделеу жүргізді. Іс-сапар барысында оқу орынының әлеуметтік инфрақұрылымы мен материалдық-техникалық базасымен  танысып, колледждің материалдық-техникалық базасына соңғы 2 жылда бөлінген қаржы көлемі, олардың тиімді игерілуі,  студенттердің өндірістік тәжірибеден өту мүмкіндігі, білім алып шыққан түлектерді жұмысқа орналастыру мәселелері, білім беру мекемесі иелігіндегі ауыл шаруашылығы техникаларын сатып алуға бөлінген қаржы көлемі, оларды тиімді пайдалану, ауыл шаруашылығы мақсатындағы колледж жерлерінің пайдалынуының тиімділігі арттыру мәселелері бойынша атқарылған жұмыстармен танысып талдау жасады.

ТЕХНОЛОГИЯЛЫҚ ТӘЖІРИБЕ ЕСЕБІ

Құлан агротехникалық жоғары колледжінде «Технологиялық тәжірибе – кәсіптік құзыреттілікті қалыптастыру тетігі» тақырыбында технологиялық кәсіби тәжірибенің қорытындысы бойынша есеп беру конференциясы өтті. Конференцияға тәжірибе бойынша тәлімгерлер, Алрай», «Тұрғынтегі», «Сұлтан би» шаруа қожалықтарының, Абай ауылдық округі ветеринарлық бекетінің басшылары қатысты. Технологиялық тәжірибеден өткен 4 курс студенттері  практика барысында игерген тәжірибелік дағдыларын  презентациялап, есеп берді. Іс-шара соңында Абай ауылдық округі ветеринарлық бекетінің басшысы А.Сарманбаев тәжірибе барысында белсенділік танытқан студенттер Д.Естай, Ш.Жадырабек, К.Зият Ә.Қадірбай,  С.Куатбек, Ш.Шымырбекті Алғыс хаттармен марапаттады.

ЭССЕ ЖАЗУ БАЙҚАУЫ

Құлан агротехникалық жоғары колледжінде колледж психологы мен кітапханашылардың ұйымдастыруымен 1 курс студенттері арасында «Мен өмірді сүйемін» тақырыбында апталық акция өтуде.  Аталған акция аясында бүгін колледж кітапханасында жастардың шығармашылығын нығайту және студенттердің өмір туралы көзқарастарын анықтау мақсатында «Өмір қымбатсың маған» тақырыбында эссе байқауы ұйымдастырылды.

АСПАЗШЫЛАР САЙЫСҚА ТҮСТІ

Құлан агротехникалық жоғары колледжінде Кәсіптік, өндірістік оқыту  ПЦК онкүндік аясында студенттердің кәсіби шеберлігін анықтау, шығармашылық идеяларын дамыту мақсатында  «Аспазшы» мамандығының студенттері арасында шеберлік байқауы өтті. Байқау барысында студенттердің мамандық бойынша игерген теориялық және тәжірибелік білімдерін әділ қазылар сарапқа салып үздіктер марапатталды.

КӘСІПТІК, ӨНДІРІСТІК ОҚЫТУ ПЦК ДЕКАДАСЫ ЖАЛҒАСУДА

Құлан агротехникалық жоғары колледжінде Кәсіптік, өндірістік оқыту  ПЦК онкүндік аясында «Тігінші» мамандығының өндірістік оқыту шебері  М.Рахманова колледждің тігін шеберханасында  2 курс студенттерімен «Мата таңдау, бұйымды пішу. Пішілген бөліктерді тігуге дайындау» тақырыбында өндірістік тәжірибе сабағын өтті. Өндірістік тәжірибе барысында студенттер киім түрлерін топтастыруды,ережеге сай өңделу және тігу жолдарының бірізділіктерін ажырата білуді үйренді.

КӘСІПТІК, ӨНДІРІСТІК ОҚЫТУ ПЦК ДЕКАДАСЫ ЖАЛҒАСУДА

Құлан агротехникалық жоғары колледжінде Кәсіптік, өндірістік оқыту  ПЦК онкүндік аясында «Электромонтер» мамандығының өндірістік оқыту шебері  Е.Ержанов 1 курс студенттерімен «Электр шамдары және нысанды электрмен жабдықтау» тақырыбында өндірістік тәжірибе сабағын өтті. Өндірістік тәжірибе барысында студенттер электр станцияларын, электр шамдарының түрлерін ажыратуды, қыздыру және люминецсентті шамдарға сипаттама беруді, электр сұлбасын оқуды үйренді.

«МЕН ӨМІРДІ СҮЙЕМІН»

Құлан агротехникалық жоғары колледжінде  студенттердің өмірге деген құштарлығын арттыру, өмірді бағалай білуді үйрету, шығармашылық қабілеттерін дамыту мақсатында «Мен өмірді сүйемін» тақырыбында апталық акцияның ашылуы өтіп, мақсат-міндеттері мен жоспары таныстырылды. Іс-шара барысында студенттер болашақ туралы көзқарастарымен бөлісіп ойларын ортаға салды.  

ТЕХНОЛОГИЯЛЫҚ ТӘЖІРИБЕ БОЙЫНША КОНФЕРЕНЦИЯ ЖАЛҒАСУДА

Құлан агротехникалық жоғары колледжінде «Технологиялық тәжірибе – кәсіптік құзыреттілікке қалыптастыру тетігі» тақырыбында технологиялық кәсіби тәжірибенің қорытынды конференциясы жалғасын табуда. Ауданымыздағы «Шәушен» шаруа қожалығында, Абай ауылдық округы ветеринарлық бекетінде, «Асылан» шаруа қожалығында технологиялық тәжірибеден өткен 2 курс  «Ветеринария» мамандығының студенттері тәжірибелік білімдері туралы есеп берді.