Жаңалықтар

ҚҰҚЫҚТЫҚ ДӘРІС ӨТКІЗІЛДІ

         Құлан агротехникалық жоғары колледжінде   жасөспірімдердің құқықтық мәдениетін қалыптастыруға бағытталған мобильдік топтың мүшесі, тарих пәнінің оқытушысы Сүгірбекова Айнұр «Кәмелетке толмағандардың құқықтық мәдениеті» тақырыбында 1 курс  студенттеріне дәріс өткізді.

          Дәрісте  қылмыстық жауаптылықтың, есірткі қылмысының алдын алу, зорлық-зомбылықтың құрбаны болып қалмау және өз құқықтарын қорғау үшін қайда жүгінуге болатынына түсіндірме жұмыстары жүргізілді. Яғни, студенттерге  құқықтарын қорғау үшін енгізілген өзгерістер, қылмыстық жауаптылық басталатын жас мөлшері, есірткі заттарын тұтынудың денсаулыққа тигізетін зияны жайында кеңінен айтылды.  

СТУДЕНТТІК ПАРЛАМЕНТ АЙНАСЫ

    Студенттік парламент мүшелерінің ұйымдастыруымен Құлан агротехникалық жоғары колледжінде білім алушылар арасында шығармашылық, достық қарым-қатынасты күшейту мақсатында

    «Студенттік көңіл» атты Жайдарман сайысы өткізілді. Ойын барысында студенттер актерлік шеберлігі, ұтымды қалжындары арқылы көрерменнің көңілінен шықты.

    Көңілді тапқырлар клубының сайысына 7 команда қатысып, нәтижесінде «Себастьян» командасы (1к 1т Ветеринария мамандығы) бірінші орынды, «Электромонтер» командасы (1к 1т Электромонтер мамандығы) екінші орынды, «Сұңқар» командасы (1к 2т Ветеринария мамандығы) үшінші орынды иеленді. Жеңімпаздар мен қатысушылар грамота және алғыс хаттармен марапатталды

СТУДЕНТТІК ПАРЛАМЕНТ АЙНАСЫ

     Студенттік парламент мүшелерінің ұйымдастыруымен Құлан агротехникалық жоғары колледжінде «Сыбайлас жемқорлықты жоюға болады ма?» деген тақырыпта пікір-сайыстың іріктеу кезеңі өтті. Жемқорлықтың алдын алу және оған жол бермеу мақсатында өткізілген сайыста студент жастардың ой-пікірлерін ортаға салынып, кеңінен талқыланды

КЕМЕҢГЕР ТҰЛҒА – Д.А.ҚОНАЕВ 110 ЖАСТА

   Құлан агротехникалық жоғары колледжінде тарих пәнінің оқытушысы Г.Сабдраимованың ұйымдастыруымен ұлтымыздың жанашыры болған кемеңгер тұлға Д.А.Қонаевтың 110 жылдығына арналған «Дана тұлға, дара тұлға – Д.А.Қонаев» тақырыбында дөңгелек үстел өтті. Дөңгелек үстел барысында Дінмұхамед Ахметұлының саяси қызметі, еліміздің өркендеуіне қосқан үлесі мен ұстанған саяси идеологиясы туралы көптеген деректер талқыланыды.

КӘСІБИ ДОДА МӘРЕСІНЕ ЖЕТТІ

     Екі күнге созылған ауылшаруашылығы саласындағы ТжКБ педагогтері арасындағы Республикалық кәсіби шеберлік конкурсы мәресіне жетті. Қазақстанның әр өңірінен келген өз мамандығының майталмандарына және жюри мүшелеріне Жамбыл облысы әкімдігі білім басқармасының ТжКБ дамыту орталығының басшысы Д.Есжанов және Т. Рысқұлов ауданы әкімдігінің ауылшаруашылығы бөлімінің басшысы Т.Бигазиев облыстық білім басқармасының алғыс хаттарын тапсырды.

    Кәсіби дода барысын саралай келе әділқазылар алқасы конкурс нәтижесін шығарды:

Агрономия саласы бойынша Бас жүлдені - Түркістан облысы Түркістан жоғары көпсалалы аграрлық колледжінің оқытушысы Мәмбет Бейбіт Тәуіржанұлы; І орынды - Түркістан облысы Қапланбек жоғары аграрлық -техникалық колледжінің оқытушысы Қалдасов Азамат Тенжалиевич;

    ІІ орынды - Жамбыл облысы Құлан агротехникалық жоғары колледжінің оқытушысы Ятаев Марат Дуйсенханович; ІІІ орынды - Павлодар облысы Ертіс жоғары инновациялық аграрлық колледжінің оқытушысы Абдинов Нұржан Сабитович иеленді.

Ветеринария саласы бойынша Бас жүлдеге - Түркістан облысы Қапланбек жоғары аграрлық-техникалық колледжінің оқытушысы Назиева Гульжан Зулпакаровна; І орынға - Жамбыл облысы Құлан агротехникалық жоғары колледжінің оқытушысы Байсакалова Жанар Болатовна; ІІ орынға - Алматы қаласы Еуразия аграрлық колледжінің оқытушысы Мұхаметқалиев Айдар Қайратұлы;

    ІІІ орынға - Жамбыл облысы Қордай ауылшаруашылығы колледжінің оқытушысы Нуриев Талғат Нуриевич лайықты деп табылды.

    Әділқазылар алқасының мүшелері және конкурстың қатысушылары ҚР Оқу-ағарту министрлігінің және Жамбыл облысы әкімдігі білім басқармасының ауылшаруашылығы саласы бағытындағы оқу орындарына көрсеткен сенімі мен қолдауын жоғары бағалап, Құлан агротехникалық жоғары колледжі ұжымының республикалық конкурсты ұйымдастыру деңгейіне ризашылығын білдірді.

КОЛЛЕДЖ ОҚЫТУШЫЛАРЫ ЖЕҢІМПАЗ АТАНДЫ

     Қазақстан Республикасы Оқу - ағарту министрлігінің ұйымдастыруымен 27-28 қазан аралығында Құлан агротехникалық жоғары колледжінің базасында өткізілген Техникалық және кәсіптік білім беру ұйымдары педагогтері арасындағы ауылшаруашылығы саласы бойынша ІІ-ші Республикалық кәсіби шеберлік конкурсында колледж оқытушылары Байсакалова Жанар Болатовна ветеринария саласы бойынша 1 орын жеңімпазы атанса, агрономия саласы бойынша Ятаев Марат Дуйсенханович 2 орын жүлдегері атанды.

     Әріптестерімізді жеңістерімен құттықтап, шығармашылық табыс пен сәттілік тілейміз!

 

КОНКУРСТЫҢ ПРАКТИКАЛЫҚ КЕЗЕҢІ

    Қазақстан Республикасы Оқу-ағарту министрлігінің ұйымдастыруымен Құлан агротехникалық жоғары колледжі базасында өтіп жатқан Республикалық кәсіби шеберлік конкурсының екінші күні қатысушылардың практикалық модульдердің тапсырмаларын орындаумен жалғасуда.

    Конкурстың практикалық кезеңі әрбір модуль бойынша бір немесе бірнеше тапсырмадан тұрады. Конкурс маманның өз бейіні бойынша кәсіби құзыреттілігін бағалауға мүмкіндік береді. Практикалық кезеңнің байқалатын аспектілері: іс-қимылдардың дәйектілігі, орындаудың дұрыстығы, сала стандарттарының талаптарының сақталуы, орындалу уақыты, өз іс-қимылдарының негіздемесі.

КӘСІБИ ДОДА БАСТАУЫН АЛДЫ

     Қазақстан Республикасы Оқу - ағарту министрлігінің бекіткен ережесіне сәйкес Құлан агротехникалық жоғары колледжі базасында Техникалық және кәсіптік білім беру ұйымдарының педагогтері арасында ауыл шаруашылығы саласы бойынша Республикалық кәсіби шеберлік конкурсы басталды. 27-28 қазан аралығында өтетін конкурсқа еліміздің 13 өңірінің 15 колледжінен ветеринария және агрономия мамандықтары бойынша 22 педагог қатысуда.

    Республикадағы ауыл шаруашылығы секторын дамыту жағдайында ауыл шаруашылығы саласындағы ТжКОБ ұйымдарының неғұрлым талантты педагогтерін анықтау және қолдау мақсатын көздейтін конкурстың барысында қатысушы педагогтер 6 модульді қамтитын теориялық және практикалық тапсырмаларды орындауда.

Конкурстың теориялық кезінде арнайы пәндер бойынша мазмұнды қамтитын тест сұрақтарына жауап берілді және тәжірибелік жұмысты орындау кезіндегі іс-қимылдардың бірізділігін құрастыру тапсырмалары орындалды.

    Конкурстың практикалық кезеңі әрбір модуль бойынша бір немесе бірнеше тапсырмадан тұрды және жұмыстарды бағалауда келесі аспектілер ескерілді: іс-қимылдардың дәйектілігі, орындаудың дұрыстығы, сала стандарттарының талаптарының сақталуы, орындалу уақыты, өз іс-қимылдарының негіздемесі.

     Әділқазылар алқасының байқауға қатысушылардың кәсіби шеберлігін бағалау электронды түрде жүргізілуде.

РЕСПУБЛИКАЛЫҚ КӘСІБИ ШЕБЕРЛІК КОНКУРСЫ

     2022 жылдың 27-28 қазан аралығында Құлан агротехникалық жоғары колледжінің базасында Қазақстан Республикасы Оқу - ағарту министрлігінің ұйымдастыруымен техникалық және кәсіптік білім беру ұйымдарының педагогтері арасындағы ауылшаруашылығы саласы бойынша ІІ-ші Республикалық кәсіби шеберлік конкурсы өткізіледі. Ветеринария және Агрономия саласы бойынша байқауға қатысуға Қазақстанның 12 облысының 15 колледжінен 22 үміткер ниет білдірді

МӘНЕРЛЕП ОҚУ БАЙҚАУЫ                    

    Құлан агротехникалық жоғары колледжінде 25 қазан Республика күніне орай   2022 жылдың 19 қазанында «Тәуелсіз елдің тұғыры биік» атты  мәнерлеп оқу байқауы  өтті. Бұл байқаудың мақсаты студенттерге тәуелсіздіктің қандай ауыртпалықпен келгендігі жайлы айтып, ұлттық сезім, ұлттық мақтаныш, ұлттық парызды әрбір қазақ баласының бойына дарыту,туған жерін, елін, отанын сүюге патриоттық тәрбие беру болды. 1курстар арасындағы бұл байқау тәуелсіздікке , атамекенге арналған  патриоттық өлеңдерін мәнерлеп жатқа айту және қазақ еліне, отанға арналған тақырыптарға  бағытталды. Байқаудың соңында әділқазылар алқасымен марапаттар берілді.

РЕСПУБЛИКА КҮНІ ДӘРІПТЕЛДІ

       Құлан агротехникалық жоғары колледжі кітапханасында 25 қазан – Республика күніне орай «Қазақстан – Тәуелсіз мемлекет» тақырыбында кітап көрмесі ұйымдастырылды. Көрменің мақсаты – жастарға қазақстандық патриотизм, Қазақстанның әлеуметтік-экономикалық жетістіктерін кеңінен дәріптеу және дамыту.

      Кітап көрмесіне Қазақ елінің құрылуы, ел Егемендік жолындағы қиыншылықтар, Тәуелсіздік алғаннан кейінгі жылдардағы жетістіктерді баяндайтын әдебиеттер койылды. Кітапханашы студенттерге Республика күнінің қабылдануы туралы мәлімет беріп, кітап көрмесіне библиографиялық шолу жасады.

БЕЙБІТ ЕЛДІҢ  БАЙРАҒЫ

      Құлан агротехникалық жоғары колледжінде 25 қазан – Республика күніне орай студенттерге өскелең ұрпаққа Отанын сүюге, өзінің тарихын жетік меңгеруге, тарихын ұғыну, тарих арқылы сабақ алу, өзінің тілін, дінін білдіру  мақсатында «Бейбіт елдің байрағы» тақырыбында дөңгелек үстел өтті. Іс-шара барысында Қазақстанның дамуы туралы видеофильм көрсетілді, баяндамалар оқылып, талдау жасалды.

СТУДЕНТТІК ПАРЛАМЕНТ АЙНАСЫ

     Студенттік парламент мүшелерінің ұйымдастыруымен Құлан агротехникалық жоғары колледжінде 25 қазан – Республика күніне орай «Елім менің – Тәуелсіз  Қазақстан» атты  танымдық кеш өткізілді. Кеш барысында қазақ халқының тәуелсіздік жолындағы ерлік күресі, еліміздің атақты тұлғаларының өсиеттерін  бейнелейтін көріністер патриоттық әндер шырқаумен жалғасын тапты.

«ЕЛІМ МЕНІҢ» ТАҚЫРЫБЫНДА ПАТРИОТТЫҚ ӘНДЕР БАЙҚАУЫ

     25 қазан – Республика күніне орай Құлан агротехникалық жоғары колледжінде «Елім менің» тақырыбында патриоттық әндер байқауы өтті. Байқаудың мақсаты жас ұрпақты отансүйгіштікке тәрбиелеу, патриоттық шығармалардың отандық авторларына қолдау көрсету, репертуарды патриоттық тақырыптағы жаңа музыкалық шығармалармен толықтыру, қазақстандық ән туындыларының бәсекелестік әлеуетін арттыру болып табылады. Үздік орындаушыны анықтауда әншінің туындыны жеткізуі, сахналық образы мен әнді сүйемелдеуіне ерекше мән берілді. Кеш соңында әділқазылар алқасының шешімімен жеңімпаздар анықталып дипломдармен марапатталды

25 ҚАЗАН – РЕСПУБЛИКА КҮНІ

         Құлан агротехникалық жоғары колледжінде 25 қазан – Республика күніне арналған жоспар бойынша жатақхана студенттері арасында «Республика игілігі» тақырыбында патриоттық және ағартушылық викториналық ойын өткізілді.  Студенттердің танымдылық қабілеттерін дамыту, Отанға деген сүйіспеншіліктерін арттыру, Қазақстан елінің жері, рәміздері, тіл саясатын дәріптеу мақсатында өткен викториналық ойын барысында еліміздің даму тарихы, салт-дәстүрлері, мемелекеттік нышандары туралы сұрақтар қойылып,  іс-шараның қорытындысы бойынша жеңімпаз болып танылған топтар дипломдармен марапатталды.

СТУДЕНТТІК ПАРЛАМЕНТ АЙНАСЫ

       Құлан агротехникалық жоғары колледжінің Студенттік парламент және «Саналы ұрпақ» клубының мүшелерінің ұйымдастыруымен студенттердің ұйымшылдығын, қызығушылығын арттырып, ой-өрісін кеңейту мақсатында 1курс студенттері арасында «Күз ғажайыптары» атты күзгі бал мерекесі өткізілді. «Таныстыру», «Өнерің өрге жүзсің» (ән, би, көрініс), «Сән үлгісі», «Сұрақ - жауап», «Қол өнері немесе күз тағамдары» атты бес кезеңнен құралған сайыста командалар шеберлігі мен тапқырлығын сынға салып, әділқазылар алқасының шешімімен келесі жүлделі орындарға ие болды:

- Бас жүлде - «Алма» тобы (Ветеринария 1-ші топ),

- 1 орын - «Жүзім» тобы (Агрономия),

- 2 орын - «Асқабақ» тобы (Ет өнімдерінің өндірісі),

- 3 орын - «Қырыққабат» тобы (Дәнекерлеу ісі)

ИННОВАЦИЯЛЫҚ ЖҰМЫСТАР КОНКУРСЫ

       Құлан агротехникалық жоғары колледжінде «Оқу жұмысы бойынша әдістемелік өнім» бағытында инновациялық жұмыстар конкурсы өткізілді.

      Конкурсқа 5 педагог өз жұмысын ұсынды. Ұсынылған жұмыстарды бағалау келесі параметрлер бойынша жүргізілді:

1. Оқу материалының мазмұнын оқыту нәтижелеріне бағдарлануы;

2. Қазақстандық құрамастың болуы;

3. Дидактикалық материалдың әртүрлілігі;

4. Әдістемелік құндылығы,колледж педагогтарының пайдалану мүмкіндігі;

5. ТжКБ білім беру жүйесіндегі иноовацияларға бағытталуы;

6. Тапсырмаларды орындағаны үшін бағалау критерийлерінің болуы.

      Қазылар алқасы мүшелерінің шешімі бойынша ветеринарлық пәндер оқытушылары Т.Қысық пен А.Көпбаева әзірлеген «Жануарларды клиникалық зерттеу» әдістемелік нұсқаулығы үздік деп танылды. Педагогтердің әдістемелік өнімі техникалық және кәсіптік, орта білімнен кейінгі білім беру ұйымдары педагогтерінің инновациялық жұмыстарының республикалық конкурсының іріктеу кезеңіне ұсынылды

НӘТИЖЕГЕ БАҒЫТТАЛҒАН БІЛІМ БЕРУ - ЗАМАН ТАЛАБЫ

            Құлан агротехникалық жоғары колледжінде әдістемелік жұмыс жоспарына сәйкес «Әдістер қоймасы» тақырыбында оқыту семинары өтті.           Семинар барысында педагогтер оқыту нәтижесіне бағытталған білім беру мазмұнын студенттерге ұсыну әдіс-тәсілдерімен және  белгіленген критерийлер негізінде білім алушылардың нақты қол жеткізген нәтижелерін оқытудың күтілетін нәтижелерімен сәйкестендіру үдерісін жүзеге асыру бойынша іс-тәжірибелермен бөлісті

«ЖАС ҚЫРАН» ЖАСТАР ҚАНАТЫ ҰЙЫМЫ

  11 қазан күні Құлан агротехникалық жоғары колледжінде  Жастардың сыбайлас жемқорлыққа қарсы ұйымы  колледж студенттерінен «ЖАҢАРУ» сыбайлас жемқорлыққа қарсы жалпыұлттық қозғалысы РҚБ Жамбыл облыстық  филиалының «Жас қыран» жастар қанаты  ұйымы құрылды.

Іс-шараға «ЖАҢАРУ» сыбайлас жемқорлыққа қарсы жалпыұлттық қозғалысы»  РҚБ Жамбыл облыстық  филиалы директоры Төлендиев  Қасымхан Естемесұлы, Т.Рысқұлов ауданы әкімі Есіркепов Ернар Серікәліұлы, Жамбыл облыстық мәслихаттың депутаты, Аманат партиясы облыстық филиалының «Жастар рухы» жастар қанатының басшысы Болатбек Уалихан қатысып, колледж жастарын сыбайлас жемқорлыққа қарсы жастар ұйымының жасөспірімдермен жастардың кез-келген түрдегі сыбайлас жемқорлықты қабылдамауын қалыптастыру, жастар арасындағы құқықтық сауаттылықты арттыру, сондай-ақ жастарды әлеуметтік пайдалы қызметке тарту, сыбайлас жемқорлықпен күресу мақсатында «Жас қыран» жастар қанаты ұйымының ережесімен таныстырып, колледж студенттерінен «Жас қыран» жастар қанаты ұйымын құрып,  жетекшісі колледж студенттік парламентінің спикері Қалмаханбет Алишер  сайланып, құрамына колледж оқытушылары мен  студенттерінен 45 мүшесі қабылданды. Колледж студенттері  «Жемқорлықсыз  қоғам» тақырыбында флешмоб көрсетіп, «Сыбайлас жемқорлыққа жол жоқ» тақырыптарында өз ойларын  бөлісті.

ДІН ЖӘНЕ ТӘРБИЕ

       Құлан агротехникалық жоғары колледжінде  колледж психологы «Дін және тәрбие» тақырыбында тренинг  өткізді. Іс-шараның мақсаты жастарға діни тәрбие бере отырып, адамгершілікке, имандылыққа, рухани тазалығын сақтауға уйрету,  діни түсініктерін дұрыс қалыптастыру. Тренинг барысында қазіргі таңда әлемнің түкпір –түкпірінде болып жатқан діни экстремизм және терроризмнің алдын-алу, хиджап, паранжа, қысқа балақты шалбар кию, сақал қою және оның зияны туралы  сұрақтар қойылып талқыланды. Психолог осы адастырушы діни ағымдар туралы студенттерге мәлімет бере отырып, олардан аулақ болуын айтып өтті.