Жаңалықтар

«ЖЕЛТОҚСАН- ТӘУЕЛСІЗДІКТІҢ БАСТАУЫ» АТТЫ  МӘНЕРЛЕП ОҚУ БАЙҚАУЫ

      Құлан агротехникалық жоғары колледжінде 16 желтоқсан – Тәуелсіздік мерекесіне орай дүниені дүр сілкіндіріп, тәуелсіздік туын ең алғаш көтерген әйгілі желтоқсан оқиғасына арналған «Желтоқсан- тәуелсіздіктің бастауы» атты  қазақ және орыс тілдерінде мәнерлеп оқу байқауы өтті. Байқауға 15 студент қатысып, ата-бабаларымыз ғасырлар бойы армандаған тәуелсіздік туралы өлеңдер оқыды. Әділ қазылар шешімінің қорытындысымен Қазақ тілі пәні бойынша:

1 орын – Өсербаева Аяужан 4 курс «Агрономия» мамандығының студенті

2 орын – Тұрсынбай Жанерке 3 курс «Аспазшы» мамандығының студенті

3 орын – Есенгелді Алинур 1 курс «Агрономия» мамандығының студенті марапатталды.

Орыс тілі пәні бойынша:

1 орын – Хамидолла Ернар 1 курс «Ветеринария» мамандығының студенті

2 орын  Әлі Елжан 1 курс «Ветеринария» мамандығының студенті

3 орын – Тұрсынбек Айғаным 1 курс «Ветеринария» мамандығының студенті марапатталды.

ҚҰҚЫҚ ҚОРҒАУ ОРГАНДАРЫ КЫЗМЕТКЕРЛЕРІМЕН КЕЗДЕСУ

       Т.Рысқұлов аудандық прокурорының орынбасары Шыңғыс Наурызбаев жасөспірімдер арасындағы құқық бұзушылықтың алдын алу мақсатында  Құлан агротехникалық жоғары колледжінің студенттерімен кездесті.  Кездесуге Т.Рысқұлов аудандық полиция бөлімінің  жергілікті полиция қызметінің ювеналды полиция тобының инспекторы Ж.Егембердиев, Т.Рысқұлов аудандық  Жастар ресурстық орталығының  жастар ісі жөніндегі бөлім басшысы Тоқтасын Тоқсаба Қайратұлы, колледж директоры Мусакулов Олжас Нурланұлы мен студенттер қатысты.    

        Кездесу барысында сот төрағасы тәлім-тәрбие жөнінде сөз өрбітіп,  студенттерді қылмыстық, азаматтық, әкімшілік құқықбұзушылық құқықтарымен таныстырды. Сонымен қатар студенттер заң қызметкерлерінің  темекінің зияндығы, зорлық-зомбылықтың алдын алу сынды тәрбиелік-құқықтық кеңестерін тыңдап,  көкейлеріндегі сауалдарын қойып пікір алмасты.

ТӘУЕЛСІЗДІК БӘРІНЕН ҚЫМБАТ

         Құлан агротехникалық жоғары колледжінде Тәуелсіздік мерекесіне арналған «Тұғыры биік-Тәуелсіздік» атты салтанатты шара өткізілді.  Шараға  колледждің әкімшілігі мен оқытушылар құрамы және студенттер қатысты. Кеш Қазақстан Республикасының гимнімен ашылды.

Салтанатты шара өнерпаз студенттердің мерекелік концертіне ұласып, патриоттық әндер орындалды. Сондай-ақ ел тарихынан көріністер көрсетіліп, желтоқсан құрбандарына арналған арнау өлеңдер көрермендерге патриоттық рух сыйлады.

Мерекелік кеште колледж директорының кәсіптік оқыту жөніндегі орынбасары Ертаев Еркебұлан Ерікұлы ұлтымыздың ұлық мерекесі Тәуелсіздік күнімен құттықтап, колледждің белсенді студенттерін марапаттады.

Кеш шымылдығы «Көк тудың желбірегені» әнімен  жабылды.

ТӘУЕЛСІЗДІК КҮНІНЕ ОҚЫРМАНДАР КОНФЕРЕНЦИЯСЫ ӨТТІ

        Құлан агротехникалық жоғары колледжі кітапханасында  Қазақстан Республикасының Тәуелсіздігі күніне орай Т.Рысқұлов аудандық орталық кітапханасымен бірлескен «Отан тарихы әдебиеттерде» тақырыбында оқырмандар конференциясы өтті. Оқырмандардың рухани мәдениетін арттыру мақсатында ұйымдастырылған конференция барысында елдің 31 жылдық тәуелсіздігінде жеткен жетістіктері талқыланып, «Тәуелсіздікке алып келген желтоқсан оқиғасы», «Тәуелсіздік біздің ұлттық мақтанышымыз», «Тәуелсіздікке — 31 жыл» тақырыптарында баяндамалар оқылды. Сондай-ақ «Тәуелсіздік – еркін елдің ұраны» атты кітап көрмесі ұйымдастырылып, көрмеге библиографиялық шолу жасалды.

ОТАНДЫ ҚОРҒАУ ӘРБІР АДАМНЫҢ МІНДЕТІ

      Құлан агротехникалық жоғары колледжінде Алғашқы әскери және технологиялық дайындық пәнінің мұғалімдері жылдық жоспарға сәйкес студенттермен «Граната лақтыру» жарысын өткізді. Іс-шараға 42062 әскери бөлімінің сержанттары қатысып студенттерге  «Қол гранаталарының қолданылуы, оны дұрыс пайдалану және лақтыру» тақырыбында түсіндіру жұмыстарын жүргізді.

ЖАТАХАНАДАҒЫ ҮЗДІКТЕР

      Құлан агротехникалық жоғары колледжі  жатақханасында үздік қабат, үздік бөлме байқауы өткізілді. Байқаудың мақсаты студенттерді жатақхана мүлкіне ұқыптылықпен қарап, жатақханада тұру ережелері мен тәртібін сақтау, сонымен қатар, бөлме интерьері, бөлмедегі тазалық пен әдеміліктің сақталуын бақылау. Арнайы құрылған комиссия мүшелерінің шешімімен үздік деп табылған қабат пен үздік бөлмелердегі студенттер дипломдармен және алғыс хаттармен марапатталды.

КІТАПХАНАЛЫҚ КВЕСТ

        Құлан агротехникалық жоғары колледжінде «Оқуға құштар колледж» жобасы аясында колледж кітапханашысы мен жатақхана тәрбиешілерінің ұйымдастыруымен «Кітаппен бірге саяхат» тақырыбында кітапханалық квест ойыны өтті.  Квесттің негізгі мақсаты жатақхана студенттерінің бос уақытын тиімді пайдаланып, әдеби ғұламалардың көркем шығармаларын білу  деңгейін кеңейту.  Іс-шара барысында үш топқа бөлінген білім алушылар өздеріне берілген маршрутпен жүру арқылы  қызықты тапсырмаларды орындап, көркем шығармалардан қойылған сұрақтарға жауап берді, әр бекеттен жинап келген картиналарды құрастырып құпия сөзді анықтады.     

       Кітапханалық ойынның соңғы бөлімінде студенттер берілген сөздерден әңгіме құрап, іс-шара туралы ойларымен бөлісті. Барлық топ өздерінің көрсеткен білім деңгейлеріне қарай марапатталды.

ЕСІРТКІДЕН АУЛАҚ БОЛ

    Құлан агротехникалық жоғары колледжінің жатақханасында жастар арасында нашақорлықтың, алкоголизмнің, құмар ойындардың, тәуелділіктің алдын алу және ескерту, салауатты өмір салтын, спортты насихаттау мақсатында  «Ертеңіңді ойласаң – есірткіге жолама» тақырыбында конференция өткізілді. Іс-шара барысында жатақхана студенттеріне синтетикалық есірткінің алдын алу,  нашақорларға, маскүнемдерге, үйсіз-күйсіз, панасыз және басқа да осындай санаттағы адамдарға пәрменді көмек көрсетуге шақыратын баяндамалар оқылып, видеороликтер көрсетілді.

СТУДЕНТТІК ПАРЛАМЕНТ АЙНАСЫ

        Құлан агротехникалық жоғары колледжінде  студенттік парламенттің ұйымдастыруымен 17 қараша - Халықаралық студенттер күніне орай  «Қызықты көңіл - студенттік өмір!» атты  салтанатты іс-шара өткізілді.  Іс-шара барысында 1 курс  білім алушыларын салтанатты түрде студенттер қатарына қабылдау рәсімдері жүргізілді, оларға бітіруші курс  студенттері «Білім кілтін»  тапсырып, сәтті студенттік өмір тіледі. Салтанат барысында студенттер бейне роликтер, сахналық көріністер, ән-би шашу ұсынып, ойындар өткізді.

ӨРТ – ТІЛСІЗ ЖАУ

    Құлан агротехникалық жоғары колледжінде Т.Рысқұлов ауданының  №10 Өрт сөндіру бөлімінің қызметкерлерімен  кездесу өтті. Кездесу барысында өрт сөндіруші мамандар студенттерді  қауіпсіздік шаралының ережелерімен таныстырып «Автокөліктегі өрт қауіпсіздігі», «Тұрғын үйдегі өрт қауіпсіздігі», «Ғимараттардағы өрт қауіпсіздігі», «101 және 112 құтқару қызметтері туралы» тақырыптарында презентациялар арқылы авариялық-құтқару жұмыстарын жүгізу, өртті жою кезінде қолданылатын өрт сөндіру-техникалық жарақтарды қалай қолдану туралы түсіндіру жұмыстарын жүргізді.

СТУДЕНТТІК ПАРЛАМЕНТ АЙНАСЫ

       Құлан агротехникалық жоғары колледжінде 1- ші  және  2- ші курс студенттері арасында «Сыбайлас жемқорлық  - қоғам дерті!» тақырыбында  сурет байқауы ұйымдастырылды.

ТЕҢГЕ –ҰЛТТЫҚ ТАБЫСТЫҢ КЕПІЛІ

     Құлан агротехникалық жоғары колледжінде 15 қараша Ұлттық валюта күніне орай «Теңге –ұлттық табыстың кепілі» тақырыбында 1курс студентерімен танымдық сағат өткізілді. Студенттерге Қазақстан Республикасы Тәуелсіздігінің ажырамас атрибуты теңгенің тарихы, өзгеруі мен түрленуі жайында және ұлттық ақша айналымы жөнінде ақпарат берілді. Қатысушы жастар арасында валюталық қарым-қатынастарды нығайтудағы теңгенің қызметі, қолданыстағы маңызы сынды мәселелер айтылды.

СТУДЕНТТІК ПАРЛАМЕНТ АЙНАСЫ

     Құлан агротехникалық жоғары колледжінде Халықаралық студенттер күніне арналған Студенттік парламенттің салтанатты жиыны өткізілді. Жиында студенттердің өзін-өзі басқарудың өзекті мәселелері талқыланып, жұмысты өзектендіру бойынша тың идеялар ұсынылды. 

БАНК ҚЫЗМЕТІМЕН ТАНЫСУ

     Құлан агротехникалық жоғары колледжінің «Ет өнімдерінің өндірісі» мамандығының 1 курс студенттері  15- қараша Ұлттық валюта күніне орай  «Қазақстан халық банкі» АҚ  Т.Рысқұлов аудандық  басқармасына саяхат жасады.  Басқармасы басшысы Тоғжанова Күлпаш банктік қызметтің негізгі түрлері мен функцияларын таныстырып, сонымен қатар, қалай табысты банкир болудың қыр-сырымен бөлісіп, банктік қызмет жұмыстарымен,  ұлттық теңгенің шығу тарихымен таныстырды.

ЖҰМЫС БЕРУШІ КҮНІ ӨТКІЗІЛДІ

          15 қараша күні Құлан агротехникалық жоғары колледжінде кадрларды даярлау сапасын арттыру, жұмыс берушілермен одан әрі тиімді өзара іс-қимыл жасау мақсатында техникалық және кәсіптік білім  беру ұйымдарында «Жұмыс беруші күні» іс-шарасын өткізу тұжырымдамасына сәйкес үлкен жиын өткізілді.

          Кездесудің  тәжірибе алаңында жұмыс берушілер колледждің «Ветеринария»,  «Агрономия» құзыреттілік орталықтарының қызметімен танысып, ағымдағы оқу жылында жабдықталған «Пісіру технологиялары» құзыреттілік орталығын салтанатты ашты.

         Жиынның диалог алаңында директордың орынбасарлары Е.Алибаев «Академиялық дербестік шеңберіндегі кәсіпорындармен өзара іс-қимылдар жасаудың нормативтік құқықтық актілері»,  Р.Ташыбаева «Сенімді әлеуметтік серіктес – сапалы білім негізі» тақырыптары бойынша ой қозғап, жұмыс берушілерді пікіралмасуға тартты. Өз кезегінде колледждің әлеуметтік серіктестері «SV Agro» ЖШС агроном-менеджері Р.Мирхадиров,  «Меркі ірімшік зауыты» ЖШС технологы К.Еримбетова, Қарақыстақ ауылдық округінің ветеринарлық пунктінің басшысы М.Абдикулов, «Шәушен» ШҚ басшысы Б.Қодасова жетекші кәсіпорынның жұмыс тәжірибесімен бөлісіп, студенттердің кәсіптік практикасының барысын презентациялады, маман даярлау сапасын жақсарту бойынша оқу орнымен бірлескен іс-шараларға тоқталды.

           Жұмыс беруші мен оқу орны арасындағы келіссөздер мақсатты мемлекеттік білім беру тапсырысы; кәсіпорындарда оқытушылардың тағылымдамасы; жас маманды жұмысқа қабылдау мәселелері аясында өткізілді. Т.Рысқұлов ауданы әкімдігінің ауыл шаруашылығы бөлімінің басшысы Т.Бигазиев, Жамбыл облысының Кәсіпкерлер палатасының Т.Рысқұлов ауданындағы филиалының басшысы  Қ.Ускенбаев, ҚР АШМ  Ветеринариялық бақылау және қадағалау комитетінің Т. Рысқұлов аудандық аумақтық инспекциясының басшысы  А.Утебаев, колледж Қамқоршылық кеңесінің төрағасы Қ.Бижанов түлектердің жұмысқа орналасу мәселесіне, мемлекет тарапынан осы бағытта атқарылып отырған жұмыстарға тоқталып, түсініктеме берді.

          Мерекелік жиын барысында оқу орны мен «Шәушен» шаруа қожалығы, "SV AGRO" жауакершілігі шектеулі серіктестігі арасында «Мамандарды   мақсатты  даярлау   туралы» шартқа қол қойылды.

           Кездесудің соңында үздік жұмыс берушілер Қазақстан Республикасы Оқу-ағарту министрлігінің, «Атамекен» Кәсіпкерлер палатасының, Құлан агротехникалық жоғары колледжінің алғыс хаттарымен марапатталды.

ҒАБИДЕН МҰСТАФИНГЕ – 120 ЖЫЛ

      Құлан агротехникалық жоғары колледжінде халқымыздың әйгілі жазушысы, қоғам қайраткері Ғабиден Мұстафиннің 120 жылдығына арналған «Даусы дәуірмен ұласқан қаламгер» тақырыбында тағылымы мол, мазмұнды іс-шара өтті. Т.Рысқұлов аудандық орталық кітапханасымен бірлескен тақырыптық кеш барысында жазушының өмірі мен шығармашылығы туралы құнды деректер айтылып,  студенттер көркем сөздің хас шебері атанған қыл қалам шеберіне арналған жазушылардың арнау өлеңдерін мәнерлеп оқыды. Сондай-ақ Мұстафиннің өмірі мен шығармашылығын дәріптейтін бенефильм көрсетіліп, кітап көрмесіне библиографиялық шолу жасалды.

СТУДЕНТТІК ПАРЛАМЕНТ АЙНАСЫ

      Құлан агротехникалық жоғары колледжінде «Жас қыран» жастар қанатыңың жетекшісі Қалмаханбет Алишер жастар тарапынан сыбайлас жемқорлықты жою мақсатында студенттер арасында жастардың жаңаша ойлауын, бәсекеге қабілеттілігін ояту, студент жастар арасында сыбайлас жемқорлыққа қарсы мінез құлықты қалыптастыру бағытында құрылған колледжішілік «Жас қыран» жастар қанаты клубының жиналысы өткізіліп, жұмыс жоспары талқыланды.

СТУДЕНТТІК ПАРЛАМЕНТ АЙНАСЫ
      Құлан агротехникалық жоғары колледжінде 15 қараша Ұлттық валюта күніне орай «Ұлт мақтанышы – ұлттық валюта» тақырыбында  пікірсайыс өткізіледі. Пікірсайыста, Тәуелсіздігіміздің бейнелерінің бірі болған, төл теңгеміздің шығу тарихы мен айналымдағы орны туралы пікірлер,  өткір ойлар, нақты дәлелдер келтірілді.  Дебаттың қорытындысы бойынша «Алға» тобы жеңімпаз атанса, «Жас Қыран» тобына алғыс білдірілді,  ал пікірсайыстың «Үздік спикері» болып Нұрланұлы Ернур  атанды.

ПЕДАГОГИКАЛЫҚ ИДЕЯЛАР ПАНОРАМАСЫ БАЙҚАУЫНЫҢ ЖЕҢІМПАЗДАРЫ

     Біріңғай ақпараттық білім кеңістігінде заманауи педагогикалық тәжірибе жинақтап, насихаттау және педагогтердің ақпараттық-коммуникациялық құзіреттілігін арттыру мақсатында ұйымдастырылған «Педагогикалық идеялар панорамасы» Республикалық байқауының Аймақтық кезеңінде Құлан агротехникалық жоғары колледжінің оқытушылары қатысып, кәсіби шеберліктерін шыңдай отырып:

-IІ орын жүлдесін - К.К.Еримбетова,

-IІI орын жүлдесін - Г.Т.Саркулова иеленді.

    Әріптестерімізге білім беру және жастарымызды тәрбиелеу жолындағы істеріне толағай табыстар тілейміз!!!

«БҮГІНГІ ҚЫЗ БАЛА – БОЛАШАҚ ҰРПАҚ ТӘРБИЕЛЕЙТІН АНА»

    Құлан агротехникалық жоғары колледжінде қыз балаларға рухани – адамгершілік тәрбие беру, қыздардың жеке бас гигиенасы, ерте жүктіліктің, зорлық-зомбылықтың алдын алу, қыздардың репродуктивті денсаулығын қалыптастыру мақсатында тәрбие бөлімінің ұйымдастыруымен «Бүгінгі қыз бала –болашақ ұрпақ тәрбиелейтін ана» тақырыбында Т.Рысқұлов аудандық ауруханасының акушер маманы Б.Туленбаева және СӨСҚ орталығының медбикесі М. Бакирова, колледждің ата-аналар комитетінің төраймы А.Маханбеталиева, жастар денсаулық орталығының психологы А.Турбекованың қатысуымен кездесу өтті. Кездесу барысында жасөспірім қыз балалар арасында жиі кездесетін келеңсіз жағдайлары туралы мәселелер талқыланып мамандар тарапынан толық мәліметтер беріліп жадынамалар таратылды. Ата-аналар төрайымы қыз балаларға аналық кеңесін берсе, жастар орталығының психологы студенттермен тренинг жүргізіп түрлі ситуациядан шығу жолдары туралы түсіндіріп кетті. Студенттер дәрігерлерге ойларында жүрген сауалдарын қойып пікір алмасты.