Жаңалықтар

БАЛА ТӘРБИЕСІ – ОРТАҚ ІС

Құлан агротехникалық жоғары колледжінде жалпы ата-аналар жиналысы өтті. Жиналысқа Т.Рысқұлов аудандық АПБ ЖПК ЮПТ аға инспекторы, полиция майоры Д.Жанасов, колледж инспекторы Ж.Егембердиев қатысты. Отырыс барысында колледж ДТІЖО Е.Ертаев ата-аналарды колледждің ішкі тәртібімен таныстырып, ата-аналар комитетін құру мәселесін көтерсе, колледж психологы Л.Кадирсизова балалардың психологиялық денсаулығының маңыздылығы туралы кеңес берді. Полиция қызметкерлері ата-аналарға өздерінің тарапынан өткізіліп жатқан балалардың өмір қауіпсіздігін қамтамасыз етуге бағытталған іс-шаралар туралы айтып, кәмелетке толмағандардың заңды өкілдердің қарауынсыз жалғыз жүруі және оның салдарынан туындайтын құқық бұзушылық орын алғанда ата-аналарға салынатын айыппұл көлемі туралы ескертті. 

ҚҰҚЫҚ БҰЗУШЫЛЫҚ ЖӘНЕ ЗАНДЫ ЖАУАПКЕРШІЛІК

Құлан агротехникалық жоғары колледжінде тәрбие бөлімінің ұйымдастыруымен жасөспірімдер арасында құқық бұзушылықтың алдын алу мақсатында  Т.Рысқұлов аудандық АПБ ЖПК ЮПТ аға инспекторы, полиция майоры Д.Жанасов, колледж инспекторы Ж.Егембердиев, колледж директорының міндетін уақытша атқарушы О.Мусакуловтың қатысуымен «Қауіпсіз колледж» тақырыбында кездесу өтті. Іс-шара барысында құқық қорғау органының қызметкерлері студенттерге жасөспірімдер арасында топтық жасаған кылмыстарды, кәмелетке толмағандардың түнгі уақытта заңды өкілдерінің қарауынсыз үйден тыс және ойын-сауық орындарда болуы, алкогольді, есірткі және психотроптық заттарды тұтыну жайттарын анықтаған жағдайда қолданылатын жазалар туралы  әңгімеледі.

БАЛА ҚҰҚЫҒЫ – БАСТЫ НАЗАРДА

Құлан агротехникалық жоғары колледжінің жатақхана акт залында Т.Рысқұлов аудандық «Жастар орталығы» КММ-нің ұйымдастыру және басқару бөлімінің басшысы Ә.Мырқасымовтың, «Құлан адалдық алаңы» жобалық кеңесінің маманы Ж.Дүйсен, аудандық ішкі істер бөлімінің жергілікті полиция қызметінің ювеналды полиция тобының инспекторы Ж.Егембердиевтің және колледждің тәрбие бөлімі бірлесіп жатақхана студенттерімен кездесу өткізді. Кездесу барысында студенттердің жатақханаға орналасуы, құқық бұзушылық, бопсалау фактілерін болдырмау, колледж студенттерінің өзін-өзі басқару мүмкіншілігі туралы сөз болды. Сонымен қатар студенттерден сыбайлас жемқорлықтың, ерте жүктіліктің алдын алу бағытында анонимді сауалнама алынды.

«БҮГІНГІ БОЙЖЕТКЕН – ЕРТЕҢГІ БОЛАШАҚ АНА»

Құлан агротехникалық жоғары колледжінде қыз балаларға рухани – адамгершілік тәрбие беру, қыздардың жеке бас гигиенасы, ерте жүктіліктің, зорлық-зомбылықтың алдын алу, қыздардың репродуктивті денсаулығын қалыптастыру мақсатында колледж психологы Л.Кадирсизовамен медбике А.Ержігітованың ұйымдастыруымен «Бүгінгі бойжеткен – ертеңгі болашақ ана» тақырыбында Т.Рысқұлов аудандық ауруханасының гинеколог маманы А.Омарова және СӨСҚ орталығының медбикесі Ф.Батырованың қатысуымен кездесу өтті. Кездесу барысында жасөспірім қыз балалар арасында жиі кездесетін келеңсіз жағдайлар туралы мәселелер талқыланып,  студенттер дәрігерге ойларында жүрген сауалдарын қойып пікір алмасты. 

КӘСІБИ ДОДА МӘРЕСІНЕ ЖЕТТІ

         Құлан агротехникалық жоғары колледжінің студенттері «WorldSkills Jambul-2021" облыстық чемпионатына «Аспаз ісі», «Электромонтаж жұмыстары», «Пісіру ісі»,  «Киімдерді модельдеу және дизайн» құзыреттіліктері бойынша қатысып,  кәсіптік біліктілігін көрсетті. Чемпионаттың нәтижесі бойынша «Аспаз ісі» құзыреттілігі бойынша Н.Мубашерхан және «Электромонтаж жұмыстары» құзыреттілігі бойынша А.Бакулин 2 орынды иеленіп, колледж мәртебесін асқақтатты.

         WorldSkills чемпионаты бүгінде техникалық және кәсіптік білім беретін мекемелер арасында жыл сайын өткізілетін, жұмысшы мамандықтарының әуелетін арттыруға зор ықпал ететін бірден-бір сайыстардың бірі.

        Колледж әкімшілігі барлық қатысушыларға және студенттерді дайындаған жетекшілер - Айгүл Сраиловаға, Бауыржан Ауғанбаевқа,  Ғазиз Рахимовқа, Гүлмайра Рахмановаға алғыс білдіреді.

ДІНИ ЭКСТРЕМИЗМ МЕН ТЕРРОРИЗМНІҢ АЛДЫН АЛУ – МАҢЫЗДЫ ІС

Құлан агротехникалық жоғары колледжінде тәрбие бөлімінің жұмыс жоспары бойынша Жамбыл облыстық дін істер басқармасының инспекторы А.Сәрсенбиевтің және Т.Рысқұлов ауданы бойынша дін проблемаларын зерттеу орталығының инспекторы  Н.Шәмшіханның қатысуымен «Қазақстан жастары діни экстремизмге қарсы» тақырыбында дөңгелек үстел өтті. Дөңгелек үстелге  «Саналы ұрпақ» клубының мүшелері және 1 курс студенттері қатысты. Іс-шара барысында дін саласының қызметкерлері студент жастарға дәстүрлі емес діни ағымдардың іс-қимылынан туындайтын діни экстермизм мен терроризм және одан сақтану жолдары туралы, тыйым салынған ланкестік топ мүшелері туралы әңгімеледі.

КИБЕРБУЛЛИНГТІҢ ЖӘНЕ БУЛЛИНГТІҢ ЗАРДАПТАРЫ

Студенттерге құқық бұзушылықтың алдын алу мақсатында «Кибербуллингтің және буллингтің зардаптары» тақырыбында тренинг өткізіліп, жасырын сауалнама алынды. Тренинг барысында студенттерге жасөспірімдер арасында зорлық-зомбылыққа жол бермеу, одан қорғану түрлері туралы толық мәлімет берілді. Әлімжеттіктің құрбаны болсаң не істеу керек, кімнен көмек сұрау керектігі туралы түсіндірілді. Тренинг соңында «Жақсы тілек, жылы жүрек» жаттығуы жүргізіліп студенттер бір-біріне сәттілік тіледі.

ТАНЫСУ ТРЕНИНГІ

Құлан агротехникалық жоғары колледжінде колледж психологы 1курс студенттерін жаңа ортаға бейімдеу, олардың бір-бірімен жағымды қарым-қатынас жасау, өзін-өзі бақылау, сенімділіктерін арттыру, адамгершілік қасиеттерін  дамыту мақсатында «Танысайық бұл Мен!» тақырыбында  психологиялық танысу тренингін өткізді. Тренинг барысында «Әрқашан көңілдіміз», «Жан жылуы» тақырыбында психологиялық ойындар ойнатылып,  «Көңілді сөз», «Менің алдыға қойған мақсатым!» жаттығулары жүргізіліп, студенттер бір біріне сәттілік тіледі.

СТУДЕНТТІК ӨМІР, АРМЫСЫҢ!

Құлан агротехникалық жоғары колледжі жатақханасында жаңа келген студенттерді  жатақханаға бейімдеу, өзара таныстыру, мәдениеттілікке, көпшілікке, ұйымшылдыққа баулу мақсатында дәстүрлі танысу кеші өтті. «Студенттік өмір, армысың!» тақырыбында өткен танысу кеші жарыс түрінде өтіп студент жастар өздерінің өнерлерін, білімдерін, спорттық қабілеттерін ортаға салып бақ сынасты.  Іс-шара соңында жеңімпаз топтар дипломдармен және бағалы сыйлықтармен марапатталды.

КАЛИФОРНИЯ — ҚҰЛАН. АУЫЛДЫ ГҮЛДЕНДІРУГЕ КЕЛГЕН ҚАНДАЙ АЗАМАТ?

Алматы қаласындағы Тұрар Рысқұлов атындағы Қазақ экономикалық университетінің мұғалімі қызметінен бастап, «Нұр Отан» партиясы Орталық аппаратында аналитик сарапшы қызметі, «Болашақ» бағдарламасымен Калифорния университетінде ғылыми тәжірибеден өтіп, туған жеріне оралған азамат Т.Рысқұлов ауданы, Құлан ауылындағы Құлан агротехникалық жоғары колледжі  директорының міндетін атқарушы Олжас Мұсақұловпен сұқбатты ұсынамыз.

Олжас Нұрланұлы, «Жас маман» бағдарламасы бойынша қандай қолдау алдыңыздар?

«Жас маман» жобасы бойынша 2019 жылы біз «Агрономия» және «дәнекерлік ісі» мамандықтары бойынша грант ұтып алдық. Жалпы бюджетіміз 320,0 млн теңгедей болып отыр. Осы жас маман жобасы бойынша бізге «ДОЧФАР61-85» маркалы техниканы Германиядан алынды. Қалғаны агрегаттар мен станоктар. Жалпы жас маман жобасы бойынша шамамен жартысы жеткізілді және жартысы әлі жеткізілу керек. 

ПРЕЗИДЕНТ ЖОЛДАУЫ – БОЛАШАҚҚА ЖАРҚЫН ЖОЛ!

Құлан агротехникалық жоғары колледжінің «Рухани жаңғыру» орталығында Қазақстан Республикасының Президенті Қасым-Жомарт Тоқаевтың «ХАЛЫҚ БІРЛІГІ ЖӘНЕ ЖҮЙЕЛІ РЕФОРМАЛАР-ЕЛ ӨРКЕНДЕУІНІҢ БЕРІК НЕГІЗІ» атты Жолдауына түсіндіру жұмыстары жүргізілді. Іс-шара барысында колледж басшысы маңызы зор стратегиялық құжатта көрсетілген білім саласына қатысты жағымды жаңалықтарға тоқталып, колледждіктерді ерінбей еңбек етуге шақырды.

СЕМИНАР КЕҢЕС ӨТКІЗІЛДІ            

                  Құлан агротехникалық жоғары колледжі 2021 жылы  «ARQA» агенттігінен  постаккредитациялық мониторингтен  өтеді. Осы бағытта жауапты мамандармен  аккредиттеуден кейінгі мониторинг бойынша іс-шаралар жоспарын орындау нәтижесі бойынша кеңес өткізілді.

ПРЕЗИДЕНТ ЖОЛДАУЫ БОЛАШАҚТЫҢ БАҒДАРЫ

Құлан агротехникалық жоғары колледжінде «Тараз қалалық өзбек этномәдени орталығы» қоғамдық бірлестігінің төрағасы А.Зайнутдинов,  «Үміт» жобасының мұғалімі Ғ.Жұмабаев және Т.Рысқұлов аудандық «Жастар ресурстық орталығы» қызметкерлерімен студенттер арасында кездесу өтті. Іс-шараның мақсаты Қазақстан Республикасының Президенті  Қ. К. Тоқаевтың "Халық бірлігі және жүйелі реформалар-ел өркендеуінің берік негізі"  атты Қазақстан халқына Жолдауын түсіндіру.

ҚЫЗ ТӘРБИЕСІ – ҚОҒАМ ТӘРБИЕСІ

Құлан агротехникалық жоғары колледжінде қыз баланы ұқыптылыққа, тазалыққа, инабаттылыққа, әдептілікке тәрбиелеу мақсатында колледж психологы және медбикенің қатысуымен  қыздар арасында кеңес беру сабағы өткізілді. Сабақ барысында қыз тәрбиесі, киім кию әдебі, санитарлық-гигиеналық талаптарды сақтау және түрлі зиянды әдеттерден аулақ болу бағытында түсіндіру жұмыстары жүргізілді.

ҚҰҚЫҚ БҰЗУШЫЛЫҚТЫҢ АЛДЫН АЛУ ПРОФИЛАКТИКАСЫ

Құлан агротехникалық жоғары колледжінде Т.Рысқұлов аудандық полиция бөлімінің  жергілікті полиция қызметінің ювеналды полиция тобының инспекторы Ж.Егембердиев колледждің тәрбие бөлімімен бірлесіп жасөспірімдер арасында құқық бұзушылықты болдырмау, оның алдын-алу мен студенттердің қауіпсіздігін күшейту мақсатында 1 курс студенттерін колледждің ішкі тәртібімен таныстырып, түсіндірме жұмыстарын жүргізді.

ӘДІСТЕМЕЛІК СЕМИНАР ӨТКІЗІЛДІ

Құлан агротехникалық жоғары колледжінде әдістемелік жұмыс жоспарына сәйкес жас оқытушыларға арналған оқу жоспарлау құжаттарды әзірлеу бойынша оқу семинары өткізілді.

1 ҚЫРКҮЙЕК – БІЛІМ КҮНІ

Құлан агротехникалық колледжінде 1қыркүйек – Білім күніне орай 1 курс студенттеріне арналған салтанатты жиын және барлық топтарда Тәуелсіздігіміздің 30 жылдығына арналған «Тәуелсіздік жетістіктері» тақырыбында ашық топ сағаттары өткізілді.

Іс-шараның мақсаты жастарға еліміздің Тәуелсіздік алу жолындағы ата-бабаларымыздың ерлігін насихаттау, Егемендіктен кейінгі жетістіктермен таныстыру, Отансүйгіштікке тәрбиелеу.  Мерекелік іс-шарадан соң колледжге алғаш келген 1 курс студенттеріне экскурсия ұйымдастырылып, колледжің көрнекті орындары таныстырылды.

Просмотреть или распечатать текущее расписание. Колледж еще не опубликовала расписание​​.

Просматеть изменения ежедневных замен в вашем расписании. В последние 30 дней колледж не публиковала замен.

Для некоторых частей расписания или замен вам может потребоваться войти в систему. Если вы потеряли свой пароль, воспользуйтесь ссылкой «Я не знаю логин или пароль» и введите свой адрес электронной почты. Если вы еще не получили пароль, подождите, колледж предоставит вам его, когда все будет готово.